മരുന്നും സേവനങ്ങളും ഉറപ്പാക്കും -കു​വൈ​ത്ത് ആരോഗ്യ മന്ത്രി

കു​വൈ​ത്ത് സി​റ്റി: മ​രു​ന്നു വി​ത​ര​ണ​ത്തി​ൽ ആ​രോ​ഗ്യ മ​ന്ത്രാ​ല​യം ശ്ര​ദ്ധാ​ലു​വാ​ണെ​ന്നും ഇ​ക്കാ​ര്യ​ത്തി​ൽ പൊ​തു-​സ്വ​കാ​ര്യ മേ​ഖ​ല​ക​ൾ ത​മ്മി​ലു​ള്ള ശ്ര​മ​ങ്ങ​ൾ ഏ​കോ​പി​പ്പി​ച്ചു​വ​രു​ക​യാ​ണെ​ന്നും ആ​രോ​ഗ്യ മ​ന്ത്രി ഡോ. ​അ​ഹ്മ​ദ് അ​ൽ അ​വാ​ദി ദേ​ശീ​യ അ​സം​ബ്ലി​യി​ൽ വ്യ​ക്ത​മാ​ക്കി. സ്ഥി​തി​ഗ​തി​ക​ൾ നി​രീ​ക്ഷി​ക്കാ​നും ശേ​ഖ​രം മ​തി​യാ​യ​തും പ​ര്യാ​പ്ത​വു​മാ​ണെ​ന്ന് ഉ​റ​പ്പാ​ക്കാ​നും മ​ന്ത്രാ​ല​യം ശ്ര​ദ്ധ​ചെ​ലു​ത്തു​ന്നു​ണ്ട്. കു​വൈ​ത്തി​ക​ൾ​ക്കും താ​മ​സ​ക്കാ​ർ​ക്കും ആ​വ​ശ്യ​മാ​യ മ​രു​ന്നും സേ​വ​ന​ങ്ങ​ളും ഉ​റ​പ്പാ​ക്കു​മെ​ന്നും അ​ദ്ദേ​ഹം പ​റ​ഞ്ഞു.

അ​തി​നി​ടെ, രാ​ജ്യ​ത്ത് പു​തി​യ മ​രു​ന്നു​ക​ളു​ടെ ഷി​പ്മെ​ന്‍റ് എ​ത്തി​യ​താ​യി ആ​രോ​ഗ്യ മ​ന്ത്രാ​ല​യം അ​റി​യി​ച്ചു. മ​രു​ന്ന് ഇ​റ​ക്കു​മ​തി വേ​ഗ​ത്തി​ലാ​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കു​ക​യും ടെ​ൻ​ഡ​റു​ക​ള്‍ ത്വ​രി​ത​പ്പെ​ടു​ത്താ​ന്‍ നി​ർ​ദേ​ശം ന​ല്‍കി​യി​ട്ടു​മു​ണ്ട്.

മ​രു​ന്നു​ല​ഭ്യ​ത ഉ​റ​പ്പാ​ക്കാ​ൻ മ​ന്ത്രാ​ല​യം പ്ര​തി​ജ്ഞാ​ബ​ദ്ധ​മാ​ണെ​ന്നും നി​ല​വി​ലെ പ്ര​തി​സ​ന്ധി പ​രി​ഹ​രി​ക്കാ​ൻ പ്ര​ത്യേ​ക പ​ദ്ധ​തി ആ​വി​ഷ്ക​രി​ച്ച​താ​യും ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി. നേ​ര​ത്തെ രാ​ജ്യ​ത്ത് ജീ​വ​ന്‍ര​ക്ഷ മ​രു​ന്നു​ക​ള്‍ ഉ​ൾ​പ്പെ​ടെ​യു​ള്ള മ​രു​ന്നു​ക​ള്‍ക്ക് ക്ഷാ​മം നേ​രി​ടു​ന്ന​താ​യി വാ​ര്‍ത്ത​ക​ള്‍ വ​ന്നി​രു​ന്നു. കോ​വി​ഡി​നെ തു​ട​ർ​ന്ന് ആ​ഗോ​ള​ത​ല​ത്തി​ലു​ണ്ടാ​യ മ​രു​ന്നു​ക​ളു​ടെ ഉ​ൽ​പാ​ദ​ന കു​റ​വും സ​മ​യ​ബ​ന്ധി​ത​മാ​യി ടെ​ന്‍ഡ​ര്‍ ന​ട​പ​ടി​ക​ള്‍ പൂ​ര്‍ത്തീ​ക​രി​ക്കാ​ത്ത​തു​മാ​ണ് മ​രു​ന്ന് ക്ഷാ​മ​ത്തി​ന് കാ​ര​ണ​മാ​യ​ത്.