രാജ്യത്ത് സുരക്ഷിതത്വവും സമൃദ്ധിയും നിലനിൽക്കട്ടെ -അമീർ

കു​വൈ​ത്ത് സി​റ്റി: ഇ​റ്റ​ലി​യി​ലെ സ്വ​കാ​ര്യ സ​ന്ദ​ർ​ശ​ന​ത്തി​നു​ശേ​ഷം അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് കു​വൈ​ത്തി​ൽ തി​രി​ച്ചെ​ത്തി. വി​മാ​ന​ത്താ​വ​ള​ത്തി​ൽ കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ്, മ​റ്റു മു​തി​ർ​ന്ന ഉ​ദ്യോ​ഗ​സ​ഥ​ർ എ​ന്നി​വ​ർ അ​മീ​റി​നെ സ്വീ​ക​രി​ച്ചു.

അ​മീ​റി​ന്റെ തി​രി​ച്ചു​വ​ര​വി​ൽ കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് അ​ഗാ​ധ​മാ​യ സം​തൃ​പ്തി രേ​ഖ​പ്പെ​ടു​ത്തി. അ​മീ​റി​ന് പൂ​ർ​ണ ആ​രോ​ഗ്യ​വും ക്ഷേ​മ​വും നേ​ർ​ന്ന കി​രീ​ടാ​വ​കാ​ശി, രാ​ജ്യ​ത്തെ സു​ര​ക്ഷി​ത​മാ​യി നി​ല​നി​ർ​ത്താ​നും കൂ​ടു​ത​ൽ പു​രോ​ഗ​തി​യും സ​മൃ​ദ്ധി​യും കൈ​വ​രി​ക്കാ​നു​മു​ള്ള വി​ക​സ​നം തു​ട​രാ​നും അ​ദ്ദേ​ഹ​ത്തി​ന് ദൈ​വാ​നു​ഗ്ര​ഹ​മു​ണ്ടാ​ക​ട്ടെ എ​ന്ന് പ്രാ​ർ​ഥി​ച്ചു.

രാ​ജ്യ​ത്ത് സു​ര​ക്ഷി​ത​ത്വ​വും സ​മൃ​ദ്ധി​യും നി​ല​നി​ൽ​ക്ക​ട്ടെ എ​ന്ന പ്രാ​ർ​ഥ​ന​യോ​ടെ അ​മീ​ർ, കി​രീ​ടാ​വ​കാ​ശി​ക്ക് മ​റു​പ​ടി സ​ന്ദേ​ശം അ​യ​ച്ചു. എ​ല്ലാ നേ​താ​ക്ക​ൾ​ക്കും മാ​തൃ​രാ​ജ്യ​ത്തെ സേ​വി​ക്കാ​നും കു​വൈ​ത്തി​നെ മു​ൻ​നി​ര​യി​ൽ നി​ല​നി​ർ​ത്താ​നും, ആ​ഗോ​ള​ത​ല​ത്തി​ൽ അ​തി​ന്റെ പ​ദ​വി ഉ​യ​ർ​ത്താ​നും അ​ഭി​ല​ഷ​ണീ​യ​മാ​യ വി​ക​സ​നം കൈ​വ​രി​ക്കാ​നും ക​ഴി​യ​ട്ടെ​യെ​ന്നും അ​ദ്ദേ​ഹം ആ​ശം​സി​ച്ചു.