മർസൂഖ് അൽ ഗാനിം ജർമൻ ഡെപ്യൂട്ടി സ്​പീക്കറുമായി ചർച്ച നടത്തി

കുവൈത്ത് സിറ്റി: കുവൈത്ത്​ പാർലമ​െൻറ്​ സ്​പീക്കർ മർസൂഖ് അൽ ഗാനിം ജർമൻ പാർലമ​െൻറ് ഡെപ്യൂട്ടി സ്​പീക്കർ തോമസ് ​ ഒാപ്പർമാനുമായി ചർച്ച നടത്തി. സ്​പീക്കറുടെ ഓഫിസിൽ നടന്ന ചർച്ചയിൽ ഇരു രാജ്യങ്ങൾക്കിടയിൽ പാർലമ​െൻററി സഹകരണം ശക്തിപ്പെടുത്താനും ഈ രംഗത്തെ പുതിയ വിവരങ്ങൾ പരസ്​പരം കൈമാറാനും ധാരണായി. അന്താരാഷ്​ട്ര കാര്യങ്ങൾക്കുപുറമെ ഇരു രാജ്യങ്ങൾക്കും തുല്യപ്രാധാന്യമുള്ള മറ്റു വിഷയങ്ങളും ചർച്ചയായി. മൂന്നു ദിവസത്തെ ഔദ്യോഗിക സന്ദർശനത്തിനായി കഴിഞ്ഞ ദിവസമാണ് ജർമൻ പാർലമ​െൻറ് ഡെപ്യൂട്ടി സ്​പീക്കറും ഔദ്യോഗിക സംഘവും കുവൈത്തിലെത്തിയത്.