മ​ല​യാ​ളി​ക​ളാ​ണ് താ​രം

കു​വൈ​ത്ത് സി​റ്റി: വ്യാ​ഴാ​ഴ്ച രാ​ത്രി ന​ട​ന്ന ഇ​ന്ത്യ-​കു​​വൈ​ത്ത് ഫു​ട്ബാ​ൾ മ​ത്സ​രം കാ​ണാ​ൻ സ്റ്റേ​ഡി​യ​ത്തി​ലെ​ത്തി​യ​ത് 25,000ത്തോ​ളം ഇ​ന്ത്യ​ക്കാ​ർ. ഇ​തി​ൽ ഭൂ​രി​പ​ക്ഷ​വും മ​ല​യാ​ളി​ക​ളാ​യി​രു​ന്നു. വെ​ള്ളി​യാ​ഴ്ച അ​വ​ധി ദി​വ​സ​മാ​യ​തി​നാ​ൽ വ്യാ​ഴാ​ഴ്ച ജോ​ലി​ക​ൾ ക​ഴി​ഞ്ഞ് ഇ​ന്ത്യ​ൻ ഫു​ട്ബാ​ൾ ആ​രാ​ധ​ക​ർ കൂ​ട്ട​ത്തോ​ടെ ജാ​ബി​ർ സ്റ്റേ​ഡി​യ​ത്തി​ലേ​ക്ക് ഒ​ഴു​കി​യെ​ത്തി. ക​ളി തു​ട​ങ്ങു​ന്ന​തി​ന് മ​ണി​ക്കൂ​റു​ക​ൾ മു​മ്പേ ദേ​ശീ​യ പ​താ​ക​യും ടീ​മു​ക​ളെ പി​ന്തു​ണ​ക്കു​ന്ന പോസ്റ്ററുകളു​മാ​യി ഫു​ട്ബാ​ൾ ആ​രാ​ധ​ക​ർ സ്റ്റേ​ഡി​യം നി​റ​ഞ്ഞു.

ഇ​തോ​ടെ 60,000 സീ​റ്റു​ക​ളു​ള്ള ജാ​ബി​ർ അ​ൽ അ​ഹ​മ്മ​ദ് ഇ​ന്റ​ർ​നാ​ഷ​ന​ൽ സ്റ്റേ​ഡി​യം ആ​വേ​ശ​ത്തി​ന്റെ കൊ​ടു​മു​ടി ക​യ​റി. നേ​രി​യ ത​ണു​പ്പു​ള്ള കു​വൈ​ത്തി​ലെ രാ​ത്രി​യെ ഫു​ട്ബാ​ൾ ആ​രാ​ധ​ക​ർ ചൂ​ടു​പി​ടി​പ്പി​ച്ചു നി​ർ​ത്തി. സ്റ്റേ​ഡി​യ​ത്തി​ൽ തി​ങ്ങി​നി​റ​ഞ്ഞ മ​ല​യാ​ളി​ക​ൾ അ​ട​ക്ക​മു​ള്ള ഇ​ന്ത്യ​ക്കാ​ർ ഇ​ന്ത്യ​ൻ ടീ​മി​ന് ഹോം ​ഗ്രൗ​ണ്ടി​ന് സ​മാ​ന​മാ​യ അ​ന്ത​രീ​ക്ഷ​മാ​ണ് ഒ​രു​ക്കി​യ​ത്.

ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക സ്റ്റേ​ഡി​യ​ത്തി​ൽ

പ്രി​യ താ​ര​ങ്ങ​ളു​ടെ ഓ​രോ നീ​ക്ക​ത്തി​നും പി​ന്തു​ണ​യു​മാ​യി സ്റ്റേ​ഡി​യം ആ​ർ​ത്തു​വി​ളി​ച്ചു. ഇ​ന്ത്യ​ൻ പ്ര​വാ​സ​മൂ​ഹ​ത്തി​ന്റെ ഫു​ട്ബാ​ൾ സ്നേ​ഹ​ത്തി​ന്റെ നേ​ർ​ചി​ത്ര​മാ​യി മാ​റി സ്റ്റേ​ഡി​യ​ത്തി​ലേ​ക്ക് ഒ​ഴു​കി​യെ​ത്തി​യ ആ​രാ​ധ​ക​സ​ഞ്ച​യം.

ഫാ​ൻ ക്ല​ബ് ആ​യ മ​ഞ്ഞ​പ്പ​ട​യു​ടെ കു​വൈ​ത്ത് വി​ങ് മ​ത്സ​രം കാ​ണാ​ൻ ആ​ഗ്ര​ഹി​ക്കു​ന്ന മു​ഴു​വ​ൻ ഇ​ന്ത്യ​ൻ ഫു​ട്ബാ​ൾ ആ​രാ​ധ​ക​രെ​യും സ്റ്റേ​ഡി​യ​ത്തി​ൽ എ​ത്തി​ക്കു​ന്ന​തി​ന് ടി​ക്ക​റ്റ് ബു​ക്കി​ങ് മു​ത​ൽ വാ​ഹ​ന സൗ​ക​ര്യം വ​രെ​യു​ള്ള സ​ജ്ജീ​ക​ര​ണ​ങ്ങ​ൾ ഏ​ർ​പ്പെ​ടു​ത്തി.

മ​ഞ്ഞ​പ്പ​ട​യു​ടെ നേ​തൃ​ത്വ​ത്തി​ൽ ഇ​ന്ത്യ​ൻ ജ​ഴ്സി​യും പ​താ​ക​യു​മാ​യി സ്റ്റേ​ഡി​യ​ത്തി​ൽ തി​ങ്ങി​നി​റ​ഞ്ഞ ആ​രാ​ധ​ക​ർ ഇ​ന്ത്യ​ൻ ക​ളി​ക്കാ​ർ​ക്ക് ഇ​ന്ത്യ​യി​ലെ സ്റ്റേ​ഡി​യ​ത്തി​ൽ ക​ളി ന​ട​ക്കു​ന്ന പ്ര​തീ​തി​യാ​ണ് ന​ൽ​കി​യ​ത്.

ടീ​മി​നെ പി​ന്തു​ണ​ക്കു​ന്ന ബാ​ന​റു​ക​ളും പോ​സ്റ്റ​റു​ക​ളു​മേ​ന്തി ആ​വേ​ശ​ത്തി​ര​യി​ള​ക്കി​യ ആ​രാ​ധ​ക​ർ ഇ​ന്ത്യ​ൻ ടീ​മി​ന് ന​ൽ​കി​യ മ​നോ​വീ​ര്യം കു​റ​ച്ചൊ​ന്നു​മ​ല്ല. 75ാം മി​നി​റ്റി​ൽ മ​ൻ​വീ​ർ സി​ങ്ങി​ലൂ​ടെ ഇ​ന്ത്യ ഗോ​ൾ​മു​ഖം തു​റ​ന്ന​പ്പോ​ൾ സ്റ്റേ​ഡി​യം ആ​വേ​ശ​ത്താ​ൽ ഇ​ള​കി​മ​റി​ഞ്ഞു. ഇ​ന്ത്യ​ൻ ഫു​ട്ബാ​ൾ ആ​രാ​ധ​ക​ർ​ക്ക് മ​റ​ക്കാ​നാ​കാ​ത്ത രാ​ത്രി.