കുവൈത്തിൽ വാഹനമോടിക്കുന്നതിനിടെ ഹൃദയാഘാതം മൂലം മലയാളി മരിച്ചു

കുവൈത്ത്​ സിറ്റി: കുവൈത്തിൽ മലയാളി വാഹനമോടിക്കുന്നതിനിടെ ഹൃദയാഘാതം മൂലം മരിച്ചു. മെട്രോ മെഡിക്കൽ കെയർ ​െഎ.ടി മാനേജറും തൃശൂർകൊടുങ്ങല്ലൂർ എറിയാട് യു ബസാർ സ്വദേശിയുമായ കൊല്ലിയിൽ അബ്​ദുൽ റഷീദ്(45) ആണ് മരിച്ചത്. 

ശ്വാസതടസ്സം അനുഭവപ്പെട്ടതിനെ തുടർന്ന് ആശുപത്രിയിലേക്ക് സ്വയം വാഹനമോടിച്ച്​ പോകുംവഴിയാണ്​ ഹൃദയാഘാതം ഉണ്ടായത്. വാഹനം ബസ്​സ്​റ്റോപ്പിൽ ഇടിക്കുകയും ചെയ്​തു. 

ഭാര്യ: തസ്നി. മക്കൾ: ഫഹീം, ഫർഹദ്‌, ഫദിയ. പിതാവ്​: അബ്​ദുൽ കരീം. കുടുംബത്തോടൊപ്പം സബാഹ് അൽ നാസറിൽ ആയിരുന്നു താമസം. തുടർനടപടികളും പേപ്പർ വർക്കുകളും കെ.കെ.എം.എ മാഗ്നറ്റ് ടീമും മെട്രോ മാനേജ്മ​െൻറും നടത്തിവരുന്നു.