മലബാർ ഗോൾഡ്- യു.എൻ.എ ലോകകപ്പ് പ്രവചന മത്സരം: ക്യാഷ് അവാർഡ് സമ്മാനിച്ചു

കുവൈത്ത് സിറ്റി: മലബാർ ഗോൾഡ് ആൻഡ് ഡയമണ്ട്സും യുണൈറ്റഡ് നഴ്സസ് അസോസിയേഷൻ (യു.എൻ.എ) കുവൈത്തും സംയുക്തമായി സംഘടിപ്പിച്ച ഫിഫ ലോകകപ്പ് 2026 ഗോൾഡൻ ബൂട്ട് പ്രവചന മത്സരത്തിലെ വിജയിക്കുള്ള ക്യാഷ് അവാർഡ് സമ്മാനിച്ചു. മലബാർ ഗോൾഡ് ആൻഡ് ഡയമണ്ട്സ് അൽ റായ് ഷോറൂമിൽ നടന്ന ചടങ്ങിൽ ബ്രാഞ്ച് ഹെഡ് ഷാഹിൽ പൈനിങ്ങര പ്രവചന മത്സര വിജയി വിജി മനുവിനു സമ്മാന തുക കൈമാറി. മലബാർ ഗോൾഡ് മാർക്കറ്റിങ് മാനേജർ ഹർഷൽ പട്ടണം, യു.എൻ.എ കുവൈത്ത് പ്രസിഡന്റ് ധന്യരാജ് തരഗത്ത്, സെക്രട്ടറി താരാ മനോജ്, വൈസ് പ്രസിഡന്റ് ഹുസ്നിയ, എക്സിക്യൂട്ടീവ് അംഗങ്ങളായ നിഹാസ്, ഫാരിസ്, ജോജി, ജോഷി, രമ്യ , ലോറിൻ എന്നിവർ പങ്കെടുത്തു.