മാസ്​ക്​ 150 ഫിൽസിൽ കൂട്ടി വിറ്റാൽ നടപടി

കുവൈത്ത്​ സിറ്റി: കുവൈത്തിൽ മാസ്​കുകൾ ആരോഗ്യ മന്ത്രാലയം അംഗീകരിച്ച വിലയിലും കൂട്ടി വിറ്റാൽ നടപടിയെടുക്കുമെന്ന്​ അധികൃതർ. 
മന്ത്രാലയം അണ്ടർ സെക്രട്ടറി ഡോ. അബ്​ദുല്ല അൽ ബദറാണ്​ മുന്നറിയിപ്പ്​ നൽകിയത്​. ചിലയിടത്ത്​ വില കൂട്ടി വിൽക്കുന്നതായി പരാതി ലഭിച്ചതി​​െൻറ അടിസ്ഥാനത്തിലും ജനങ്ങൾക്ക്​ മാസ്​ക്​ ധരിക്കാൻ പ്രേരണ നൽകാനുമാണ്​ മന്ത്രാലയം മുന്നറിയിപ്പ്​ നൽകിയത്​. നേരത്തെ വില കൂട്ടി വിറ്റ നിരവധി സ്ഥാപനങ്ങൾ അധികൃതർ പൂട്ടിച്ചിരുന്നു. വില നിയന്ത്രണങ്ങൾ പാലിക്കുന്നുവെന്ന്​ ഉറപ്പാക്കാൻ വാണിജ്യ മന്ത്രാലയത്തി​​െൻറ പരിശോധനയുണ്ടാവുമെന്നും അധികൃതർ മുന്നറിയിപ്പ്​ നൽകി.