പാൽ പാക്കറ്റ്​ കൊണ്ട്​ ആറുമീറ്റർ ഉയരത്തിൽ 'കുവൈത്ത്​ ടവർ'

കുവൈത്ത്​ സിറ്റി: 61ാമത്​ കുവൈത്ത്​ ദേശീയ ദിനാഘോഷം, 31ാമത്​ വിമോചന ദിനാഘോഷം എന്നിവയോടനുബന്ധിച്ച്​ ലുലു ഹൈപ്പർ മാർക്കറ്റ്​ ഖുറൈൻ ഒൗട്ട്​ലെറ്റിൽ തയാറാക്കിയ കുവൈത്ത്​ ടവർ മാതൃക ശ്രദ്ധേയമാകുന്നു. കുവൈത്ത്​ ഡാനിഷ് ഡയറി (കെ.ഡി.ഡി) കമ്പനിയുടെ 17000ത്തിലധികം പാൽ, ഫ്രൂട്ട്​ ജ്യൂസ്​ കവറുകൾ ഉപയോഗിച്ചാണ്​ കുവൈത്തി​െൻറ പ്രധാന ​െഎകൺ ആയ മൂന്ന്​ ടവറുകളുടെ മാതൃക തീർത്തത്​.

പ്രദർശനം നേരിട്ട് കാണാനും കലാരൂപത്തിന് മുമ്പിൽനിന്ന്​ സെൽഫി എടുക്കാനും നിരവധി പേരാണ്​ എത്തുന്നത്​. ചെറിയ കവറുകൾ അടുക്കിവെച്ച്​ ഏകദേശം ആറ്​ മീറ്റർ ഉയരമുള്ള സ്​തൂപമാണ്​ മനോഹരമായി ഉണ്ടാക്കിയിട്ടുള്ളത്​. ഒന്നിന്​ മുകളിൽ ഒന്നായി 800 അടുക്കുകളാണ്​ സന്തുലിതമായി വെച്ചത്​. ആകർഷകമായ ​ഒാഫറുകൾ നൽകുന്നതിനൊപ്പം ഷോപ്പിങ്​ ഒരു മികച്ച അനുഭവമാക്കാൻ കൂടിയാണ്​ ഇത്തരം പ്രദർശനങ്ങളിലൂടെയും കലാവിരുതുകളിലൂടെയും ശ്രമിക്കുന്നതെന്ന്​ മാനേജ്​മെൻറ്​ അറിയിച്ചു.

എല്ലാ ഔട്ട്​ലെറ്റുകളും കുവൈത്ത്​ പതാകയും തിളങ്ങുന്ന ലൈറ്റുകളും അലങ്കാര കമാനങ്ങളും എല്ലാമായി അലങ്കരിച്ചിട്ടുണ്ട്​. ഫെബ്രുവരി അവസാന വാരത്തിലെ കുവൈത്ത്​ ദേശീയ ദിനം, വിമോചന ദിനം എന്നിവയോടനുബന്ധിച്ചാണ് ഒരു മാസം നീളുന്ന ഹല ഉത്സവം സംഘടിപ്പിക്കുന്നത്​. ഈ ദിനങ്ങളുമായി ബന്ധപ്പെട്ട കലരൂപങ്ങൾ, ബാക്ക്‌ഡ്രോപ്പ് ചിത്രങ്ങൾ, ചെറുതും വലുതുമായ ദേശീയ പതാകകൾ, പതാകയുടെ നിറത്തിലുള്ള അലങ്കാരങ്ങൾ, കുവൈത്തിന്‍റെ ഐകണുകളായ നിർമിതികളുടെ രൂപത്തിലുള്ള കട്ടൗട്ടുകൾ, കെട്ടിടങ്ങളുടെയും സ്ഥലങ്ങളുടെയും വർണചിത്രങ്ങൾ എന്നിവ വിവിധ ഒൗട്ട്​ലെറ്റുകളിൽ ഉത്സവാന്തരീക്ഷം സൃഷ്ടിക്കുന്നു.