ലുലു ഹൈപ്പർ മാർക്കറ്റിൽ 'ഫുഡ്​ ഇൗസ്​ ഗ്രേറ്റ്​' ഫെസ്​റ്റിവൽ

കുവൈത്ത്​ സിറ്റി: മേഖലയിലെ മുൻനിര ​റീ​െട്ടയിൽ വ്യാപാര ശൃംഖലയായ ലുലു ഹൈപ്പർ മാർക്കറ്റിൽ 'ഫുഡ്​ ഇൗസ്​ ഗ്രേറ്റ് 2021​' ഫെസ്​റ്റിവൽ എന്ന പേരിൽ ബ്രിട്ടീഷ്​ ഭക്ഷ്യ ഉൽപന്നങ്ങളുടെ പ്രമോഷൻ കാമ്പയിൻ ആരംഭിച്ചു. മേയ്​ 26 മുതൽ ജൂൺ ഒന്നുവരെയാണ്​ കാമ്പയിൻ. ബുധനാഴ്​ച ലുലു ഹൈപ്പർ മാർക്കറ്റി​െൻറ ഖുറൈൻ ഒൗട്ട്​ലെറ്റിൽ നടന്ന ചടങ്ങിൽ കുവൈത്തിൽ പുതുതായി ചുമതലയേറ്റ ബ്രിട്ടീഷ്​ അംബാസഡർ ബെലിൻഡ ലൂയിസ്​ പ്രമോഷൻ കാമ്പയിൻ ഉദ്​ഘാടനം ചെയ്​തു. ലുലു മാനേജ്​മെൻറ്​ പ്രതിനിധികളും ഉപഭോക്​താക്കളും അഭ്യുദയ കാംക്ഷികളും ചടങ്ങിൽ സംബന്ധിച്ചു. കോവിഡ്​ പശ്ചാത്തലത്തിൽ ആരോഗ്യ മാർഗനിർദേശങ്ങൾ പാലിച്ചാണ്​ ചടങ്ങ്​ നടത്തിയത്​. അതേസമയം, ആകർഷകമായ കട്ടൗട്ടുകളിലൂടെയും മറ്റ്​ അലങ്കാരങ്ങളിലൂടെയും ആഘോഷാന്തരീക്ഷം നിലനിർത്തി. ബ്രിട്ടനിലെ വിനോദ സഞ്ചാര​ കേന്ദ്രങ്ങളുടെയും പൈതൃകങ്ങളുടെയും മാതൃകകൾ തീർത്ത കലാവിരുതുകൾ അത്യാകർഷകമാണ്​. ബ്രിട്ടീഷ്​ പൈതൃകങ്ങളുടെ മോഡലുകളുമായി മനോഹരമായ അലങ്കാരങ്ങളുമായി ലുലുവി​െൻറ എല്ലാ ശാഖകളും ആകർഷകമാക്കിയിട്ടുണ്ട്​. ആഘോഷത്തോടനുബന്ധിച്ച്​ കാമ്പയിൻ കാലയളവിൽ ലുലുവി​െൻറ എല്ലാ ഒൗട്ട്​ലെറ്റിലും ബ്രിട്ടീഷ്​ ബ്രാൻഡഡ്​ ഉൽപന്നങ്ങളുടെ പ്രത്യേക പ്രദർശനവും വിൽപനയുമുണ്ടാവും. ആകർഷകമായ വിലയിൽ ഉപഭോക്​താക്കൾക്ക്​ ഇത്​ ലഭ്യമാണെന്ന്​ മാനേജ്​മെൻറ്​ വ്യക്​തമാക്കി. ബ്രിട്ടീഷ്​ ഭക്ഷ്യ ഉൽപന്നങ്ങൾ തന്നെയാണ്​ മേളയുടെ ആകർഷണം. 36ലധികം മുൻനിര ബ്രിട്ടീഷ്​ ഫുഡ്​ കമ്പനികളുടെ ഉൽപന്നങ്ങൾ സജ്ജമാക്കിയിട്ടുണ്ട്​.