ലോ​ക്​​ഡൗ​ണി​ൽ ജ​ലീ​ബും മ​ഹ​ബൂ​ല​യും

കു​വൈ​ത്ത്​ സി​റ്റി: സമ്പൂർണ ലോക്​ഡൗൺ പ്രഖ്യാപിച്ചതോടെ തിരക്ക്​ കുറഞ്ഞ്​ ജലീബ്​ അൽ ശുയൂഖും മഹബൂലയും. ലോക ്​ ഡൗൺ കർഫ്യൂ പോലെ ആവുമോ എന്ന ആശങ്കയിലായിരുന്നു ആളുകൾ. എന്നാൽ, ആളുകളെ പുറത്തേക്കോ അകത്തേക്കോ പ്രവേശിപ്പിക ്കുന്നില്ല എന്നതൊഴിച്ചാൽ പ്രദേശത്തിനകത്തെ ജനജീവിതം സാധാരണമാണ്​. പ്രദേശത്തിനകത്തെ സഞ്ചാരം അനുവദിക്കുന്നുണ്ട്​. ബഖാലകളും റെസ്​റ്റാറൻറുകളും കർഫ്യൂ സമയം വരെ തുറക്കുന്നുണ്ട്​. വാഹനങ്ങൾ ഒാടുന്നു. പുറത്തേക്ക്​ വിടാത്തതിനാൽ ജോലിക്ക്​ പോവാനാവാതെ നിരവധി പേരാണ്​ കുടുങ്ങിക്കിടക്കുന്നത്​. ഫെൻസിങ്ങും കോൺക്രീറ്റ്​ ബാരിക്കേഡുകളും സ്ഥാപിച്ച്​ വളഞ്ഞിരിക്കുകയാണ്​ പ്രദേശം. ചെക്​പോയൻറുകളിൽ ​പൊലീസും സൈന്യവും നിലയുറപ്പിച്ചിട്ടുണ്ട്​. ചില കമ്പനികൾ ലോക്​ഡൗൺ സൂചനകൾ ലഭിച്ചതനുസരിച്ച്​ ജീവനക്കാരെ നേരത്തേതന്നെ മറ്റു സ്ഥലങ്ങളിലേക്ക്​ മാറ്റിപ്പാർപ്പിച്ചിരുന്നു.

കോവിഡ്​ കൂടുതലായി റിപ്പോർട്ട്​ ചെയ്​തത്​ മാത്രമല്ല. ജനങ്ങൾ അനിയന്ത്രിതമായി പുറത്തിറങ്ങി നടന്നത്​ കൂടിയാണ്​ ലോക്​ഡൗൺ പ്രഖ്യാപിക്കാൻ കാരണം. െഎസൊലേഷനിലൂടെ കോവിഡ്​ നിയ​ന്ത്രിക്കാൻ കഴിയുമെന്നാണ്​ അധികൃതരുടെ പ്രതീക്ഷ. അതിനിടെ മറ്റു സ്ഥലങ്ങളിലേക്ക്​ കൂടി ലോക്​ ഡൗൺ വ്യാപിപ്പിക്കാനുള്ള സാധ്യത തള്ളാനാവില്ല. നേരത്തേ ഫർവാനിയയിൽ കൂടി ലോക്​ഡൗൺ വരുമെന്ന്​ സൂചനയുണ്ടായിരുന്നെങ്കിലും ജലീബിലും മഹബൂലയിലും പരിമിതപ്പെടുത്താനായിരുന്നു മിനിസ്​റ്റീരിയൽ കൗൺസിൽ തീരുമാനം. കുവൈത്തിൽ മലയാളികളുടെ പ്രധാന താവളമാണ്​ ജലീബ്​ അൽ ശുയൂഖ്​. മഹബൂലയിലും മലയാളികൾ ഒട്ടും കുറവല്ല.