മ​ദ്യനി​ർ​മാ​ണം: ആ​റു പേ​ർ പി​ടി​യി​ൽ

കു​വൈ​ത്ത്സി​റ്റി: മ​ദ്യ നി​ർ​മാ​ണം , വി​ൽ​പ​ന എ​ന്നി​വ​ക്കെ​തി​രാ​യ ന​ട​പ​ടി​ക​ൾ തു​ട​രു​ന്നു. ക​ഴി​ഞ്ഞ ദി​വ​സം ന​ട​ത്തി​യ പ​രി​ശോ​ധ​ന​യി​ൽ പ്രാ​ദേ​ശി​ക​മാ​യി മ​ദ്യം നി​ർ​മി​ച്ച ആ​റു പേ​ർ പി​ടി​യി​ലാ​യി. ഇ​വ​രി​ൽ നി​ന്ന് 58 മ​ദ്യം നി​റ​ച്ച ബാ​ര​ലു​ക​ൾ, 178 കു​പ്പി മ​ദ്യം, വി​ൽ​പ​ന​യി​ൽ നി​ന്ന് ല​ഭി​ച്ച തു​ക എ​ന്നി​വ ക​ണ്ടെ​ടു​ത്തു.

ക്രി​മി​ന​ൽ സെ​ക്യൂ​രി​റ്റി സെ​ക്ട​ർ ന​ട​ത്തി​യ പ​രി​ശോ​ധ​ന​യി​ൽ സാ​ൽ​മി​യ​യി​ലെ ഒ​രു അ​പ്പാ​ർ​ട്ട്‌​മെ​ന്‍റി​ൽ നി​ന്നാ​ണ് നാ​ലു പേ​രെ അ​റ​സ്റ്റു ചെ​യ്ത​ത്. ഇ​വി​ടം കേ​ന്ദ്രീ​ക​രി​ച്ച് ഇ​വ​ർ മ​ദ്യം നി​ർ​മി​ക്കു​ക​യും വ്യാ​പാ​രം ന​ട​ത്തി​വ​രുക​യു​മാ​യി​രു​ന്നു.

മ​ദ്യം നി​റ​ച്ച 58 ബാ​ര​ലു​ക​ളും വി​ൽ​പ​ന​ക്ക് ത​യാ​റാ​ക്കി​യ 76 കു​പ്പി​ക​ളും ഇ​വ​രി​ൽ നി​ന്ന് ക​ണ്ടെ​ടു​ത്തു. അ​ഹ​മ്മ​ദി ഗ​വ​ർ​ണ​റേ​റ്റ് ന​ട​ത്തി​യ പ​രി​ശോ​ധ​ന​യി​ലാ​ണ് മ​റ്റു ര​ണ്ടു പേ​ർ പി​ടി​യി​ലാ​യ​ത്. വി​ൽ​പ​ന​ക്കു ത​യാ​റാ​ക്കി​യ 102 കു​പ്പി മ​ദ്യ​വും വി​ൽ​പന​യി​ൽ നി​ന്ന് ല​ഭി​ച്ച തു​ക​യും ഇ​വ​രു​ടെ പ​ക്ക​ൽ നി​ന്ന് ക​ണ്ടെ​ത്തി. പ്ര​തി​ക​ളെ​യും പി​ടി​കൂ​ടി​യ വ​സ്തു​ക്ക​ളും നി​യ​മ​ന​ട​പ​ടി​ക​ൾ​ക്കാ​യി ബ​ന്ധ​പ്പെ​ട്ട വി​ഭാ​ഗ​ത്തി​ന് കൈ​മാ​റി.