ജി.സി.സി ബീച്ച് ഗെയിംസിൽ കുവൈത്തിന്റെ മികച്ച പ്രകടനം
text_fieldsജി.സി.സി ബീച്ച് ഗെയിംസിൽ മെഡൽ നേടിയ കുവൈത്ത് താരങ്ങൾ
കുവൈത്ത് സിറ്റി: ഒമാൻ ആതിഥേയത്വം വഹിച്ച മൂന്നാമത് ഗൾഫ് സഹകരണ കൗൺസിൽ (ജി.സി.സി) ബീച്ച് ഗെയിംസിൽ കുവൈത്തിന്റെ മികവാർന്ന പ്രകടനം. സെയിലിങ്ങിൽ മികച്ച പ്രകടനം കാഴ്ചവെച്ച ടീം വെള്ളി മെഡൽ നേടി. കുവൈത്ത് വനിത താരം ആമിന ഷാ രണ്ടാംസ്ഥാനം നേടിയതാണ് മറ്റൊരു നേട്ടം. നേരത്തേ കപ്പലോട്ട മത്സരത്തിൽ കുവൈത്ത് ടീം വെങ്കല മെഡലും നേടിയിരുന്നു. ഏപ്രിൽ അഞ്ചിന് ആരംഭിച്ച ഗെയിംസ് വെള്ളിയാഴ്ച സമാപിച്ചു.
ബീച്ച് സോക്കർ, ബീച്ച് വോളിബാൾ, സെയിലിങ്, പാരാഗ്ലൈഡിങ് , അത്ലറ്റിക്സ്, കുതിരസവാരി എന്നീ ഇനങ്ങളിലായി കുവൈത്തിനെ പ്രതിനിധീകരിച്ച് 65 അത്ലറ്റുകൾ പങ്കെടുത്തു. എല്ലാ കുവൈത്ത് താരങ്ങളും അതിശയകരമായ മത്സര നിലവാരം പ്രകടിപ്പിച്ചതായും രാജ്യത്തിന്റെ കായിക പുരോഗതിയെ പ്രതിഫലിപ്പിക്കുന്ന നേട്ടങ്ങൾ കൈവരിക്കാൻ കഴിഞ്ഞതായും കുവൈത്ത് ഒളിമ്പിക് കമ്മിറ്റി ഡയറക്ടർ ജനറലും പ്രതിനിധിസംഘം തലവനുമായ മുഹമ്മദ് അൽ ഖൽഫാൻ പറഞ്ഞു. വരാനിരിക്കുന്ന ടൂർണമെന്റുകളിൽ മികച്ച നേട്ടം കൈവരിക്കുമെന്നും അദ്ദേഹം പ്രത്യാശ പ്രകടിപ്പിച്ചു. വിജയകരമായ സംഘാടനത്തിന് ഒമാനെയും അദ്ദേഹം നന്ദി അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

