കുവൈത്തിൽ ആറു പേർക്ക് കൂടി കോവിഡ്19 സ്ഥിരീകരിച്ചു

കുവൈത്ത്​ സിറ്റി: കുവൈത്തിൽ ഇന്ന് ആറു പേർക്ക് കൂടി കോവിഡ്19 രോഗം സ്ഥിരീകരിച്ചു . ഇതോടെ രാജ്യത്ത്​ വൈറസ് ബാധ സ്ഥിരീകരിച്ചവരുടെ എണ്ണം 148 ആയി. ബ്രിട്ടനിൽ നിന്ന് മടങ്ങിയെത്തിയ നാല് കുവൈത്ത് സ്വദേശികൾ, ഇവരുമായി ബന്ധം പുലർത്തിയ ഒരു സ്വദേശി, ഫിലിപ്പൈൻ സ്വദേശി എന്നിവർക്കാണ് ഇന്ന് രോഗം സ്ഥിരീകരിച്ചത് .

കുവൈത്തിൽ ഇതുവരെ പതിനെട്ടു പേരാണ് രോഗമുക്തി നേടിയത്. നിലവിൽ ചികിത്സയിൽ ഉള്ള 130 പേരിൽ അഞ്ചു പേർ തീവ്രപരിചരണ വിഭാഗത്തിലാണ്.