ല​ബ​നാ​ന് കു​വൈ​ത്ത് സ​ഹാ​യം തു​ട​രു​ന്നു; മ​രു​ന്നും ഭ​ക്ഷ​ണ​വും പു​ത​പ്പു​ക​ളു​മാ​യി എ​ട്ടാ​മ​ത് വി​മാ​നം

കു​വൈ​ത്ത് സി​റ്റി: ഇ​സ്രാ​യേ​ൽ ആ​ക്ര​മ​ണം മൂ​ലം ദു​രി​ത​ത്തി​ലാ​യ ല​ബ​നാ​ന് കു​വൈ​ത്ത് സ​ഹാ​യം തു​ട​രു​ന്നു. 30 ട​ൺ മാ​നു​ഷി​ക സ​ഹാ​യ​വു​മാ​യി കു​വൈ​ത്തി​ന്‍റെ എ​ട്ടാ​മ​ത്തെ ദു​രി​താ​ശ്വാ​സ വി​മാ​നം ക​ഴി​ഞ്ഞ ദി​വ​സം ല​ബ​നാ​നി​ലെ​ത്തി. ഭ​ക്ഷ്യ​വ​സ്തു​ക്ക​ൾ, മ​രു​ന്ന്, പു​ത​പ്പു​ക​ൾ എ​ന്നി​വ ഉ​ൾ​പ്പെ​ടു​ന്ന​താ​ണ് സ​ഹാ​യ​മെ​ന്ന് കു​വൈ​ത്ത് റെ​ഡ് ക്ര​സ​ന്‍റ് സൊ​സൈ​റ്റി (കെ.​ആ​ർ.​സി.​എ​സ്) അ​റി​യി​ച്ചു. ‘കു​വൈ​ത്ത് ഈ​സ് ബൈ ​യു​വ​ർ സൈ​ഡ്’ എ​ന്ന കു​വൈ​ത്ത് സം​രം​ഭ​ത്തി​ന്‍റെ ഭാ​ഗ​മാ​യാ​ണ് സ​ഹാ​യം.

ഇ​സ്രാ​യേ​ൽ അ​ധി​നി​വേ​ശം മൂ​ലം ല​ബ​നാ​ൻ അ​നു​ഭ​വി​ക്കു​ന്ന പ്ര​യാ​സ​ങ്ങ​ൾ ല​ഘൂ​ക​രി​ക്കാ​നാ​ണ് ഇ​തെ​ന്നും കെ.​ആ​ർ.​സി.​എ​സ് ബോ​ർ​ഡ് ചെ​യ​ർ​മാ​ൻ ഖാ​ലി​ദ് അ​ൽ മു​ഗാ​മി​സ് പ​റ​ഞ്ഞു. അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ​യും കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹി​ന്റെ​യും നി​ർ​ദേ​ശ​പ്ര​കാ​ര​മാ​ണ് കു​വൈ​ത്തി​ന്‍റെ ദു​രി​താ​ശ്വാ​സ, മാ​നു​ഷി​ക സ​ഹാ​യം.

ല​ബ​നാ​ൻ ജ​ന​ത​ക്ക് ആ​വ​ശ്യ​മാ​യ മാ​നു​ഷി​ക പി​ന്തു​ണ എ​ത്തി​ക്കു​ന്ന​തി​ൽ മ​ടി​ച്ചു​നി​ൽ​ക്കി​ല്ലെ​ന്നും ഖാ​ലി​ദ് അ​ൽ മു​ഗാ​മി​സ് വ്യ​ക്ത​മാ​ക്കി. 31 ട​ൺ മാ​നു​ഷി​ക സ​ഹാ​യ​വു​മാ​യി കു​വൈ​ത്ത് അ​യ​ച്ച ഏ​ഴാ​മ​ത്തെ ദു​രി​താ​ശ്വാ​സ വി​മാ​നം ഞാ​യ​റാ​ഴ്ച ല​ബ​നാ​ൻ റാ​ഫി​ക് ഹ​രി​രി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ​ത്തി​യി​രു​ന്നു.