ത്യാഗസ്​മരണയിൽ ഇന്ന്​ ബലിപെരുന്നാൾ

കുവൈത്ത്​ സിറ്റി: പ്രവാചകൻ ഇബ്രാഹീമി​െൻറയും കുടുംബത്തി​െൻറയും ത്യാഗോജ്വല ജീവിതസ്​മരണ പുതുക്കി സ്വദേശികളും വിദേശികളുമുൾപ്പെടെ വെള്ളിയാഴ്​ച ബലിപെരുന്നാൾ ആഘോഷിക്കും. കോവിഡ്​ പശ്ചാത്തലത്തിൽ പെരുന്നാൾ ആഘോഷത്തിന്​ പൊലിമ കുറയും. ഇൗദുൽ ഫിത്റിന്​ പള്ളികൾ അടച്ചതിനാൽ വീട്ടിലായിരുന്നു നമസ്​കാരമെങ്കിൽ ഇത്തവണ 14 ഇൗദ്​ഗാഹ്​ കേന്ദ്രങ്ങളിലും പള്ളികളിലും പെരുന്നാൾ നമസ്​കാരം നടക്കും. 

രാവിലെ 5.22നാണ്​ പെരുന്നാൾ നമസ്​കാരം. സാധാരണ പെരുന്നാൾ ദിവസം വൈകീട്ട്​ നടക്കാറുള്ള കലാപരിപാടികൾ, പിക്​നിക്​, സാംസ്​കാരിക സദസ്സുകൾ എന്നിവ ഇത്തവണയില്ല. ചില സംഘടനകൾ ഒാൺലൈനായി ആഘോഷ പരിപാടികൾ സംഘടിപ്പിച്ചിട്ടുണ്ട്​. പൂർണ കർഫ്യൂവിൽ ഇളവ്​ അനുവദിച്ച വൈകുന്നേരത്തെ രണ്ടുമണിക്കൂർ മാത്രമാണ്​ നോമ്പു പെരുന്നാളിന്​ ആകെ പുറത്തിറങ്ങാൻ  കഴിഞ്ഞിരുന്നത്​. എന്നാൽ, ഇപ്പോൾ രാത്രി ഒമ്പത്​ മുതൽ പുലർച്ച മൂന്നുവരെ മാത്രമാണ്​ കർഫ്യൂ​. എല്ലാ പ്രദേശങ്ങളിലും ലോക്​​ ഒഴിവാക്കിയതും ആശ്വാസമാണ്​. സംഘടിത ബലികർമത്തിന്​ ഒരുക്കമായി​. ചില മലയാളി സംഘടനകൾ പണം സ്വരൂപിച്ച്​ കേരളത്തിലും ഉത്തരേന്ത്യയിലും ബലികർമം നടത്താൻ അയച്ചുകൊടുത്തു​. സർക്കാർ തലത്തിൽ സുരക്ഷാ നടപടിക്രമങ്ങൾ ശക്​തമാക്കി​. 

കുവൈത്തിൽ ബലി പെരുന്നാൾ അവധി അഞ്ചുദിവസമാണ്​. ജൂലൈ 30​ മുതൽ ആഗസ്​റ്റ്​ മൂന്ന്​​ വരെയാണ്​ അവധി. ബുധനാഴ്​ച അടച്ച സർക്കാർ ഒാഫിസുകൾ ആഗസ്​റ്റ്​ നാലിന്​ തുറന്നു പ്രവർത്തിക്കും. വെള്ളി, ശനി വാരാന്ത്യ അവധി ദിവസങ്ങൾക്കുപുറമെ മൂന്നുദിവസം മാത്രമാണ്​ ഇത്തവണ അവധി.

കുവൈത്തിൽ 14 കേന്ദ്രങ്ങളിൽ ഇൗദ്​ഗാഹ്​
കുവൈത്ത്​ സിറ്റി: കുവൈത്തിൽ ഇത്തവണ ഇൗദ്​ഗാഹ്​ നടക്കുക 14 കേന്ദ്രങ്ങളിൽ. സുർറ യൂത്ത്​ സ​െൻറർ, സുലൈബീകാത്ത്​ ഗ്രൗണ്ട്​​, ദൽയ യൂത്ത്​ സ​െൻറർ, സബാഹിയ യൂത്ത്​ സ​െൻറർ, മംഗഫ്​ യൂത്ത്​ സ​െൻറർ, ഫഹാഹീൽ യൂത്ത്​ സ​െൻറർ, സബാഹ്​ അൽ സാലിം യൂത്ത്​ സ​െൻറർ, അൽ ഖസ്ർ ജഹ്​റ സ്​പോർട്​സ്​ ഗ്രൗണ്ട്​, സുലൈബിയ സ്​പോർട്​സ്​ ഗ്രൗണ്ട്​, ബയാൻ ഗ്രൗണ്ട്​, മിഷ്​രിഫ്​ ഗ്രൗണ്ട്​, മുബാറക്​ അൽ കബീർ ഗ്രൗണ്ട്​, ഖുസൂർ യൂത്ത്​ സ​െൻറർ, അർദിയ യൂത്ത്​ സ​െൻറർ എന്നിവിടങ്ങളിലാണ്​ മൈതാനങ്ങളിൽ പെരുന്നാൾ നമസ്​കാരം നടക്കുക. സ്വദേശി താമസമേഖലകൾക്ക്​ പ്രാമുഖ്യം നൽകിയാണ്​ പട്ടിക തയാറാക്കിയത്​. പള്ളികളിൽ പെരുന്നാൾ നമസ്​കാരത്തിന്​ അനുമതിയുണ്ടാവുമെന്ന്​ അധികൃതർ വ്യക്​തമാക്കിയെങ്കിലും ഭൂരിഭാഗം പള്ളികളും ഇപ്പോഴും തുറന്നിട്ടില്ല. സ്വദേശി താമസമേഖലയിലെ പള്ളികളിൽ മാത്രമാവും പെരുന്നാൾ നമസ്​കാരവും നടക്കുക.