ബയോമെട്രിക് രജിസ്ട്രേഷൻ: ഇന്നു മുതൽ മൂന്നു മാസ സമയം, ബാക്കിയുള്ളത് 6.7 ലക്ഷം പേര്‍

കു​വൈ​ത്ത് സി​റ്റി: രാ​ജ്യ​ത്ത് ബ​യോ മെ​ട്രി​ക്സ് ര​ജി​സ്ട്രേ​ഷ​ന്‍ പൂ​ര്‍ത്തി​യാ​ക്കാ​ന്‍ ബാ​ക്കി​യു​ള്ള​ത് 6.7 ല​ക്ഷം പേ​ര്‍. ഇ​തി​ല്‍ ആ​റു ല​ക്ഷം പേ​രും പ്ര​വാ​സി​ക​ളാ​ണ്. മാ​ർ​ച്ച് ഒ​ന്നു മു​ത​ൽ മൂ​ന്ന് മാ​സ​ത്തി​നു​ള്ളി​ൽ എ​ല്ലാ പൗ​ര​ന്മാ​രും പ്ര​വാ​സി​ക​ളും ബ​യോ​മെ​ട്രി​ക് ഫിം​ഗ​ർ പ്രിന്റ് ര​ജി​സ്ട്രേ​ഷ​ന്‍ പൂ​ര്‍ത്തി​യാ​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം നി​ർ​ദേ​ശം ന​ല്‍കി​യി​ട്ടു​ണ്ട്.

ജൂ​ൺ ഒ​ന്നു മു​ത​ൽ നി​യ​മം പ്രാ​ബ​ല്യ​ത്തി​ൽ വ​രും. ഇ​തി​ന​കം 18 വ​യ​സ്സ് പൂ​ർ​ത്തി​യാ​യ എ​ല്ലാ​വ​രും ന​ട​പ​ടി​ക​ൾ പൂ​ർ​ത്തി​യാ​ക്ക​ണം. തു​ട​ർ​ന്ന് ബ​യോ​മെ​ട്രി​ക് വി​ര​ല​ട​യാ​ള പ്ര​ക്രി​യ പൂ​ർ​ത്തി​യാ​ക്കാ​ത്ത വ്യ​ക്തി​ക​ൾ​ക്ക് ആ​ഭ്യ​ന്ത​ര മ​ന്ത്രാ​ല​യ​വു​മാ​യി ബ​ന്ധ​പ്പെ​ട്ട എ​ല്ലാ ഇ​ട​പാ​ടു​ക​ളും താ​ൽ​ക്കാ​ലി​ക​മാ​യി നി​ർ​ത്തി​വെ​ക്കും.

മെ​റ്റ വെ​ബ്സൈ​റ്റ് വ​ഴി​യോ സ​ഹ​ല്‍ ആ​പ്പ് വ​ഴി​യോ ബ​യോ​മെ​ട്രി​ക് വി​ര​ല​ട​യാ​ള​ത്തി​നാ​യി ബു​ക്ക് ചെ​യ്യാം. രാ​ജ്യ​ത്തി​ന്‍റെ പ്ര​ധാ​ന വാ​ണി​ജ്യ കേ​ന്ദ്ര​ങ്ങ​ളി​ലും ഹ​വ​ല്ലി, ഫ​ർ​വാ​നി​യ, അ​ഹ​മ്മ​ദി, മു​ബാ​റ​ക് അ​ൽ ക​ബീ​ർ, ജ​ഹ്‌​റ ഗ​വ​ർ​ണ​റേ​റ്റു​ക​ളി​ലും ബ​യോ​മെ​ട്രി​ക് ര​ജി​സ്ട്രേ​ഷ​നാ​യു​ള്ള സം​വി​ധാ​ന​ങ്ങ​ള്‍ ഒ​രു​ക്കി​യി​ട്ടു​ണ്ട്. പ്ര​വാ​സി​ക​ൾ​ക്ക് അ​ലി സ​ബാ​ഹ് അ​ൽ സേ​ലം, ജ​ഹ്‌​റ എ​ന്നി​വി​ട​ങ്ങ​ളി​ൽ എ​ത്തി സേ​വ​ന​ങ്ങ​ൾ പ്ര​യോ​ജ​ന​പ്പെ​ടു​ത്താം.

അ​വ​ന്യൂ​സ് മാ​ൾ, 360 മാ​ൾ, അ​ൽ കൂ​ത്ത് മാ​ൾ, കാ​പി​റ്റ​ൽ മാ​ൾ, മി​നി​സ്ട്രീ​സ് കോം​പ്ല​ക്സ് തു​ട​ങ്ങി​യ പ്ര​മു​ഖ ഷോ​പ്പി​ങ് മാ​ളു​ക​ളി​ലും ര​ജി​സ്ട്രേ​ഷ​ൻ സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്. നി​ല​വി​ല്‍ കു​വൈ​ത്തി​ൽ നി​ന്ന് പു​റ​ത്തു പോ​കാ​ൻ ബ​യോ​മെ​ട്രി​ക് വി​ര​ല​ട​യാ​ളം ആ​വ​ശ്യ​മി​ല്ല. എ​ന്നാ​ല്‍ രാ​ജ്യ​ത്തേ​ക്ക് തി​രി​കെ വ​രു​മ്പോ​ൾ നി​ർ​ബ​ന്ധ​മാ​ണ്.