ഇ​ടി​മി​ന്ന​ലിനും കാ​റ്റി​നും സാ​ധ്യ​ത; ശ​നി​യാ​ഴ്ചവ​രെ മ​ഴ തു​ട​രും

കു​വൈ​ത്ത് സി​റ്റി: ത​ണു​പ്പി​ന് തീ​വ്ര​ത​കൂ​ട്ടി ചൊ​വ്വാ​ഴ്ച രാ​ജ്യ​ത്താ​ക​മാ​നം മ​ഴയെത്തി. ചൊ​വ്വാ​ഴ്ച രാ​വി​ലെമു​ത​ൽ മൂ​ടി​ക്കെ​ട്ടി​യ നി​ല​യി​ലാ​യി​രു​ന്നു അ​ന്ത​രീ​ക്ഷം. ഉ​ച്ച​യോ​ടെ മി​ക്ക​യി​ട​ത്തും നേ​രി​യ മ​ഴയെത്തി. ഇ​ത് ത​ണു​പ്പി​ന്റെ തീ​വ്ര​ത കൂ​ട്ടി. വൈ​കു​ന്നേ​ര​ത്തോ​ടെ ശ​ക്തി കൂ​ടി​യ ത​ണു​പ്പ് രാ​ത്രി​യി​ൽ തീ​വ്ര​മാ​യി.

രാ​ജ്യ​ത്ത് ശ​നി​യാ​ഴ്ച വ​രെ വ്യ​ത്യ​സ്ത തീ​വ്ര​ത​യി​ൽ മ​ഴ പെ​യ്യു​മെ​ന്ന് കാ​ലാ​വ​സ്ഥ വ​കു​പ്പ് പ്ര​വ​ച​നം. മ​ഴ​ക്കൊ​പ്പം ഇ​ടി​മി​ന്ന​ലും ശ​ക്ത​മാ​യ കാ​റ്റും ഉ​ണ്ടാ​കും.

മ​ണി​ക്കൂ​റി​ൽ 50 കി​ലോ​മീ​റ്റ​റി​ൽ കൂ​ടു​ത​ൽ വേ​ഗ​ത്തിൽ കാ​റ്റി​ന് സാ​ധ്യ​ത​യു​ണ്ട്. ചി​ല പ്ര​ദേ​ശ​ങ്ങ​ളി​ൽ തി​ര​ശ്ചീ​ന ദൃ​ശ്യ​പ​ര​ത കു​റ​യു​മെ​ന്നും ക​ട​ൽ തി​ര​മാ​ല​ക​ൾ ആ​റു അ​ടി​ക്ക് മു​ക​ളി​ൽ ഉ​യ​രാ​ൻ കാ​ര​ണ​മാ​കു​മെ​ന്നും വ​കു​പ്പ് ആ​ക്ടി​ങ് ഡ​യ​റ​ക്ട​ർ ദി​രാ​ർ അ​ൽ അ​ലി വ്യ​ക്ത​മാ​ക്കി. ശ​നി​യാ​ഴ്ച ഉ​ച്ച​യോ​ടെ കാ​ലാ​വ​സ്ഥ ക്ര​മേ​ണ മെ​ച്ച​പ്പെ​ടു​മെ​ന്ന് പ്ര​തീ​ക്ഷി​ക്കു​ന്നു.

വ​കു​പ്പി​ന്റെ വെ​ബ്‌​സൈ​റ്റി​ലൂ​ടെ​യും ഔ​ദ്യോ​ഗി​ക മൊ​ബൈ​ൽ ആ​പ്ലി​ക്കേ​ഷ​നി​ലൂ​ടെ​യും കാ​ലാ​വ​സ്ഥ വി​വ​ര​ങ്ങ​ൾ പി​ന്തു​ട​രാ​ൻ അ​ദ്ദേ​ഹം പൗ​ര​ന്മാ​രെ​യും താ​മ​സ​ക്കാ​രെ​യും ഉ​പ​ദേ​ശി​ച്ചു.

അ​തേ​സ​മ​യം, ദി​വ​സ​ങ്ങ​ളാ​യി രാ​ജ്യ​ത്ത് ത​ണു​ത്ത കാ​ലാ​വ​സ്ഥ തു​ട​രു​ക​യാ​ണ്. പ​ക​ൽ സ​മ​യ​ത്ത് അ​ൽ​പം കു​റ​വു​ണ്ടെ​ങ്കി​ലും രാ​ത്രി ശ​ക്ത​മാ​യ ത​ണു​പ്പാ​ണ് അ​നു​ഭ​വ​പ്പെ​ടു​ന്ന​ത്. ത​ണു​പ്പ് എ​താ​നും ദി​വ​സ​ങ്ങ​ൾ തു​ട​രു​മെ​ന്നാ​ണ് സൂ​ച​ന.