കുവൈത്ത് വയനാട് അസോസിയേഷൻ വീട് കൈമാറി
text_fieldsകുവൈത്ത് വയനാട് അസോസിയേഷൻ നിർമിച്ചു നൽകിയ വീട്
കുവൈത്ത് സിറ്റി: കുവൈത്ത് വയനാട് അസോസിയേഷൻ (കെ.ഡബ്ല്യു) വർഷത്തിൽ ഒരു വീട് പദ്ധതിയുടെ ഭാഗമായി ഇരുളം, പുൽപള്ളി പ്രദേശവാസികളായ രണ്ട് കുടുംബത്തിനുള്ള ആധാരവും ഒരു വീടിന്റെ താക്കോൽവിതരണവും നടന്നു.
വാർഡ് മെംബർ ഷീജ ഷിബു അധ്യക്ഷത വഹിച്ചു. പൂതാടി ഗ്രാമ പഞ്ചായത്ത് പ്രസിഡന്റ് മിനി പ്രകാശൻ, ഡെപ്യൂട്ടി റേഞ്ച് ഓഫിസർ ഇരുളം അബ്ദുൽ ഗഫൂർ എന്നിവർ ആധാരങ്ങൾ കൈമാറി. ‘സ്വപ്നഗേഹം പദ്ധതി’ ജനറൽ കൺവീനർ ഷിബു സി. മാത്യു,റോയ് മാത്യു എന്നിവർ ഭവനത്തിന്റെ താക്കോൽവിതരണം നിർവഹിച്ചു. കെ.ഡബ്ല്യു വൈസ് പ്രസിഡന്റ് ജിജിൽ മാത്യു സംഘടന പ്രവർത്തനങ്ങൾ വിവരിച്ചു.
രക്ഷാധികാരി ബാബുജി ബത്തേരി, ചാരിറ്റി കൺവീനർ മിനി കൃഷ്ണ, വനിതവേദി കൺവീനർ പ്രസീത, ഷൈൻ ബാബു, മുബാറക് കാമ്പ്രത് എന്നിവർ സംസാരിച്ചു. ജോ. സെക്രട്ടറി ഷിനോജ് ഫിലിപ്പ്, പി.സി. ഗിരീഷ് എന്നിവർ ചടങ്ങിന് നേതൃത്വം നൽകി. ‘കൂടൊരുക്കാം പദ്ധതി’ ചെയർമാൻ ഷിബുകുമാർ സ്വാഗതവും കൺവീനർ ജിതേഷ് കുമാർ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

