കാലാവധി കഴിഞ്ഞ എല്ലാ വിസകളും മേയ്​ 31 വരെ നീട്ടി

കുവൈത്ത്​ സിറ്റി: കുവൈത്തിൽ കാലാവധി കഴിഞ്ഞ എല്ലാ വിസകൾക്കും മേയ്​ 31 വരെ എക്​സ്​റ്റെൻഷൻ അനുവദിച്ചു. മാർച്ച്​ ഒ ന്നുമുതൽ മൂന്ന്​ മാസമാണ്​ സ്വാഭാവികമായ എക്​സ്​റ്റെൻഷൻ അനുവദിച്ചത്​. ആഭ്യന്തര മന്ത്രി അനസ്​ അൽ സാലിഹ്​ അറിയിച്ചതാണിത്​.

സന്ദർശക വിസയിൽ എത്തിയവർ ഉൾപ്പെടെ നിലവിൽ കുവൈത്തിലുള്ള വിസ കാലാവധി കഴിഞ്ഞ എല്ലാവർക്കും പ്രത്യേക അപേക്ഷ നൽകാതെ സ്വാഭാവികമായി ഇൗ ആനുകൂല്യം ലഭിക്കും.

സന്ദർശക വിസയിലെത്തി കോവിഡ്​ പ്രതിസന്ധിയെ തുടർന്ന്​ വിമാന സർവിസുകൾ നിലച്ച്​ കുവൈത്തിൽ കുടുങ്ങിപ്പോയവർക്കും വിസ കാലാവധി കഴിഞ്ഞ മറ്റു നിരവധി പേർക്കും ആശ്വാസകരമായ ഉത്തരവാണിത്​.