കുവൈത്ത് യൂനിവേഴ്‌സിറ്റി ഇനി പുകവലി നിരോധന മേഖല

കുവൈത്ത് സിറ്റി: കുവൈത്ത് യൂനിവേഴ്‌സിറ്റി ഇനി പുകവലി നിരോധന മേഖല. യൂനിവേഴ്‌സിറ്റിയിലെ എല്ലാ ഫാക്കൽറ്റികളിലും കെട്ടിടങ്ങളിലും എല്ലാത്തരം പുകവലിയും നിരോധിച്ചു. ഇതു സംബന്ധിച്ചു കുവൈത്ത് യൂനിവേഴ്‌സിറ്റി ആക്ടിങ് റെക്ടർ ഡോ.ഫയീസ് അൽ ദാഫിരി ബുധനാഴ്ച സർക്കുലർ പുറത്തിറക്കി.

നിയമം ലംഘിക്കുന്നവരെ നിയമപരമായ നടപടികൾക്ക് വിധേയമാക്കുമെന്നു സർക്കുലർ മുന്നറിയിപ്പ് നൽകുന്നു. ആരോഗ്യകരമായ ചുറ്റുപാട് നടപ്പാക്കാനുള്ള ശ്രമങ്ങളുടെ ഭാഗമായാണ് നടപടി.