കുവൈത്ത്​ ടി.വിയിൽ മലയാളത്തിൽ കൊറോണ ബോധവത്​കരണവുമായി മറിയം അൽ ഖബന്ദി

കുവൈത്ത്​ സിറ്റി: സർക്കാർ ഉടമസ്ഥതിയിലുള്ള ടെലിവിഷൻ ചാനലായ കുവൈത്ത്​ ടി.വിയിൽ മലയാളത്തിൽ കൊറോണ ബോധവത്​കരണ വിഡിയോ. കുവൈത്ത്​ ടി.വിയിലെ കാലാവസ്ഥാ അവതാരകയായ മറിയം അൽ ഖബന്ദി എന്ന പാതിമലയാളയാണ്​ കോഴിക്കോടൻ ശൈലിയിൽ ബോധവത്​കരണ പരിപാടി നടത്തിയത്​.

കോഴിക്കോട്ടുകാരിയായ ഉമ്മയിൽനിന്നാണ് മറിയം അൽ ഖബന്ധി മലയാളം പഠിച്ചത്. കഴിഞ്ഞ ദിവസം ഇവർ മലയാളത്തിൽ ഫേസ്​ബുക്കിൽ പോസ്​റ്റ്​ ചെയ്​ത കൊറോണ ബോധവത്​കരണ വിഡിയോ വൈറലായിരുന്നു. 1982ലാണ് അബ്​ദുല്ല മുഹമ്മദ് അൽ ഖബന്ധി കോഴിക്കോട് സ്വദേശിനി അയിഷാബിയെ വിവാഹം ചെയ്തത്.

മറിയം അൽ ഖബന്ധി സോഷ്യൽ മീഡിയ പേജുകളിലൂടെ നേരത്തെയും നിരവധി മലയാളം വീഡിയോകൾ പങ്കുവെച്ചിരുന്നു.