സിറിയൻ അഭയാർഥികൾക്ക്​ എട്ടു ടൺ പാൽ നൽകി കുവൈത്ത്​

കുവൈത്ത്​ സിറ്റി: ലബനാനിലെ സിറിയൻ അഭയാർഥി കുട്ടികൾക്കായി എട്ട്​ ടൺ പാൽ വിതരണം ചെയ്​ത്​ കുവൈത്ത്​ റെഡ്​ ​ക്രസൻറ്​ സൊസൈറ്റി.

ലബനീസ്​ റെഡ്​ ക്രോസ്​ സൊസൈറ്റിയുമായി സഹകരിച്ചാണ്​ വിതരണം നടത്തുന്നതെന്ന്​ കുവൈത്ത്​ റെഡ്​ ക്രസൻറ്​ സൊസൈറ്റി ടീം ലീഡർ ഡോ. മുസാഇദ്​ അൽ ഇനീസി പറഞ്ഞു.

അഭയാർഥി ക്യാമ്പുകളിലും കാൻസർ സെൻററിലുമാണ്​ വിതരണം നടത്തുന്നത്​. കുട്ടികളിലെ​ പോഷകാഹാര കുറവ്​ പരിഹരിക്കാനാണ്​ പാൽ വിതരണം ചെയ്​തതെന്നും സഹായം തുടരുമെന്നും അദ്ദേഹം കൂട്ടിച്ചേർത്തു.