ഫലസ്തീന് ശക്തമായ പിന്തുണയുമായി കുവൈത്ത്

കു​വൈ​ത്ത് സി​റ്റി: ഇ​സ്രാ​യേ​ൽ ആ​ക്ര​മ​ണം നേ​രി​ടു​ന്ന ഫ​ല​സ്തീ​ന് ശ​ക്ത​മാ​യ പി​ന്തു​ണ​യു​മാ​യി കു​വൈ​ത്ത്. ഗ​സ്സ​യി​ൽ​നി​ന്ന് ഫ​ല​സ്തീ​നി​ക​ളെ നി​ർ​ബ​ന്ധി​ത​മാ​യി കു​ടി​യി​റ​ക്കാ​നു​ള്ള ഇ​സ്രാ​യേ​ൽ ആ​ഹ്വാ​ന​ത്തെ കു​വൈ​ത്ത് ത​ള്ളി. ഇ​ക്കാ​ര്യം കു​വൈ​ത്ത് അ​സ​ന്ദി​ഗ്ധ​മാ​യി നി​ര​സി​ച്ച​താ​യി വി​ദേ​ശ​കാ​ര്യ മ​ന്ത്രി ശൈ​ഖ് സ​ലിം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് വ്യ​ക്ത​മാ​ക്കി.

ഉ​പ​രോ​ധ​ത്തി​ലും ബോം​ബാ​ക്ര​മ​ണ​ത്തി​ലും നൂ​റു​ക​ണ​ക്കി​ന് നി​ര​പ​രാ​ധി​ക​ളു​ടെ ജീ​വ​ൻ അ​പ​ഹ​രി​ക്ക​പ്പെ​ട്ട ഫ​ല​സ്തീ​ൻ ജ​ന​ത​യു​ടെ ദു​രി​തം ഇ​ത്ത​ര​മൊ​രു ആ​ഹ്വാ​നം വ​ർ​ധി​പ്പി​ക്കു​മെ​ന്ന് മ​ന്ത്രി പ​റ​ഞ്ഞു. അ​ന്താ​രാ​ഷ്ട്ര മാ​നു​ഷി​ക നി​യ​മ​ങ്ങ​ൾ ലം​ഘി​ച്ചു​ള്ള ഇ​സ്രാ​യേ​ൽ സേ​ന​യു​ടെ അ​ക്ര​മ​ങ്ങ​ൾ, കൊ​ല​പ്പെ​ടു​ത്ത​ൽ, സ്വ​ത്തു​ക്ക​ൾ ന​ശി​പ്പി​ക്ക​ൽ എ​ന്നി​വ​യി​ൽ മ​ന്ത്രി ശൈ​ഖ് സ​ലിം ഖേ​ദം പ്ര​ക​ടി​പ്പി​ച്ചു.

സി​വി​ലി​യ​ൻ, സൈ​നി​ക​ർ വ്യ​ത്യാ​സ​മി​ല്ലാ​തെ തു​ട​രു​ന്ന ആ​ക്ര​മ​ണം അ​വ​സാ​നി​പ്പി​ക്കാ​ൻ അ​ന്താ​രാ​ഷ്ട്ര സ​മൂ​ഹ​വും യു.​എ​ൻ ര​ക്ഷാ​സ​മി​തി​യും ഉ​ട​ൻ ഇ​ട​പെ​ട​ണം. സി​വി​ലി​യ​ന്മാ​ർ​ക്കെ​തി​രാ​യ ആ​ക്ര​മ​ണ​ങ്ങ​ൾ അ​വ​സാ​നി​പ്പി​ക്കാ​നും മ​ന്ത്രി ആ​ഹ്വാ​നം ചെ​യ്തു. ഇ​ക്കാ​ര്യ​ത്തി​ൽ എ​ല്ലാ​വ​രും രാ​ഷ്ട്രീ​യ​വും മാ​നു​ഷി​ക​വു​മാ​യ ഉ​ത്ത​ര​വാ​ദി​ത്ത​ങ്ങ​ൾ ഏ​റ്റെ​ടു​ക്ക​ണം. ഉ​പ​രോ​ധം അ​വ​സാ​നി​പ്പി​ക്കാ​നും ഫ​ല​സ്തീ​ൻ ജ​ന​ത​ക്ക് വൈ​ദ്യ​സ​ഹാ​യം എ​ത്തി​ക്കാ​നും യു.​എ​ൻ സം​ഘ​ട​ന​ക​ളും സ​ർ​ക്കാ​റി​ത​ര മാ​നു​ഷി​ക സം​ഘ​ട​ന​ക​ളും വ​ഴി അ​വ​ർ​ക്ക് വെ​ള്ള​വും ഭ​ക്ഷ​ണ​വും ന​ൽ​കു​ന്ന​ത് ഉ​റ​പ്പാ​ക്കാ​നും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും ശൈ​ഖ് സ​ലിം അ​ഭ്യ​ർ​ഥി​ച്ചു.