കു​വൈ​ത്ത്: സു​ര​ക്ഷാ പ​രി​ശോ​ധ​ന ശ​ക്ത​മാ​ക്കു​ന്നു

കു​വൈ​ത്ത് സി​റ്റി: രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ വ്യ​ത്യ​സ്ത നി​യ​മ​ലം​ഘ​ന​ങ്ങ​ൾ​ക്കെ​തി​രാ​യ ന​ട​പ​ടി ശ​ക്ത​മാ​ക്കാ​നൊ​രു​ങ്ങി അ​ധി​കൃ​ത​ര്‍. ഇ​തി​ന്‍റെ ഭാ​ഗ​മാ​യി ‘ക്ലീ​ൻ ജ​ലീ​ബ്​’ പ​ദ്ധ​തി സ​ജീ​വ​മാ​ക്കാ​ൻ ഒ​രു​ങ്ങു​ന്ന​താ​യി പ്രാ​ദേ​ശി​ക മാ​ധ്യ​മ​ങ്ങ​ള്‍ റി​പ്പോ​ര്‍ട്ട് ചെ​യ്തു. ജ​ലീ​ബ് മേ​ഖ​ല​യി​ല്‍ വ​ർ​ധി​ച്ചു​വ​രു​ന്ന നി​യ​മ​ലം​ഘ​ന​ങ്ങ​ൾ ത​ട​യു​ന്ന​തി​ന്‍റെ ഭാ​ഗ​മാ​യാ​ണ് ന​ട​പ​ടി. ആ​ഭ്യ​ന്ത​ര -വാ​ണി​ജ്യ-​തൊ​ഴി​ല്‍ മ​ന്ത്രാ​ല​യ​ങ്ങ​ളു​ടെ സം​യു​ക്ത നേ​തൃ​ത്വ​ത്തി​ല്‍ മേ​ഖ​ല​യി​ൽ പ​രി​ശോ​ധ​ന ശ​ക്ത​മാ​ക്കു​മെ​ന്നാ​ണ് സൂ​ച​ന.

കു​വൈ​ത്തി​ൽ മ​ല​യാ​ളി​ക​ൾ തി​ങ്ങി​പ്പാ​ർ​ക്കു​ന്ന സ്ഥ​ല​മാ​യ​ അ​ബ്ബാ​സി​യ, ഹ​സ്സാ​വി എ​ന്നി​വ​യു​ൾ​പ്പെ​ടു​ന്ന ജ​ലീ​ബ്​ അ​ൽ ശു​യൂ​ഖ്​ മേ​ഖ​ല​യി​ൽ പ​രി​ശോ​ധ​ന​ക്കാ​യി അ​ധി​കൃ​ത​ർ ആ​ക്ഷ​ന്‍ പ്ലാ​ൻ ത​യാ​റാ​ക്കി​യി​ട്ടു​ണ്ട്. മു​മ്പ​ങ്ങു​മി​ല്ലാ​ത്ത​വി​ധം അ​രി​ച്ചു​പെ​റു​ക്കി ശ​ക്​​ത​മാ​യ പ​രി​ശോ​ധ​ന ന​ട​ത്താ​നാ​ണ് തീ​രു​മാ​നം.

അ​ന​ധി​കൃ​ത നി​യ​മ​ലം​ഘ​ക​രെ​യും സാ​മൂ​ഹി​ക വി​രു​ദ്ധ​രെ​യും പ്ര​ദേ​ശ​ത്തു​നി​ന്ന് തു​ട​ച്ചു മാ​റ്റു​ക​യാ​ണ് പ​ദ്ധ​തി​യു​ടെ പ്രാ​ഥ​മി​ക ല​ക്ഷ്യം. ക​ഴി​ഞ്ഞ ദി​വ​സ​ങ്ങ​ളി​ല്‍ ന​ട​ത്തി​യ സു​ര​ക്ഷാ പ​രി​ശോ​ധ​ന കാ​മ്പ​യി​നി​ല്‍ ആ​യി​ര​ക്ക​ണ​ക്കി​ന് താ​മ​സ നി​യ​മ ലം​ഘ​ക​രെ അ​റ​സ്റ്റ് ചെ​യ്ത​താ​യി അ​ധി​കൃ​ത​ര്‍ അ​റി​യി​ച്ചു. താ​മ​സ​നി​യ​മം ലം​ഘി​ച്ച​വ​രെ പി​ടി​കൂ​ടി​യാ​ല്‍ നാ​ടു​ക​ട​ത്തു​മെ​ന്ന് അ​ധി​കൃ​ത​ര്‍ അ​റി​യി​ച്ചു.