കുവൈത്തിൽ കട അടക്കലിൽ ഇളവ്​ ഇൗ വിഭാഗങ്ങൾക്ക്​...

കുവൈത്ത്​ സിറ്റി: രാജ്യത്ത്​ കോവിഡ്​ പ്രതിരോധ നടപടികളുടെ ഭാഗമായി കടകൾ അടച്ചിടണമെന്ന നിർദേശത്തിൽ ഏതൊക്കെ വിഭാഗങ്ങൾക്ക്​ ഇളവ്​ അനുവദിക്കണമെന്ന്​ തീരുമാനിക്കാനുള്ള അവകാശം മുനിസിപ്പാലിറ്റ്​ നൽകി.

ഇതനുസരിച്ച്​ മുനിസിപ്പാലിറ്റി ഭക്ഷണം, റേഷൻ, റെസ്​റ്റാറൻറുകൾ, കണ്ണട വ്യാപാരം, വാഹന അറ്റകുറ്റപണി, മണി എക്​സ്​ചേഞ്ച്​, ഫാർമസി, കാലിത്തീറ്റ കടകൾ, ജംഇയ്യകളുടെ ഫാമിലി സ്​റ്റോറുകൾ, അഡ്​മിൻ ഒാഫിസുകൾ, ഗ്യാസ്​ സ്​റ്റേഷനുകൾ എന്നിവക്ക്​ ഇളവ്​ അനുവദിച്ചു. ബാക്കി വിഭാഗങ്ങളിലെ കടകൾ തുറന്നാൽ നടപടിയെടുക്കാൻ മുനിസിപ്പാലി​റ്റിയെ ചുമതലപ്പെടുത്തി. മുനിസിപ്പാലിറ്റി രാജ്യത്തി​​െൻറ വിവിധ ഭാഗങ്ങളിൽ പരിശോധന നടത്തിവരുന്നുണ്ട്​.

കർഫ്യൂ സമയങ്ങളിൽ മാത്രമല്ല മുഴുവൻ സമയവും മറ്റു വിഭാഗങ്ങൾ കടകൾ അടച്ചിടണം. തുറക്കാൻ അനുമതിയുള്ള വിഭാഗങ്ങൾ ആരോഗ്യ മന്ത്രാലയത്തി​​െൻറ മാർഗനിർദേശങ്ങൾ കർശനമായി പാലിക്കണം. ഇതിൽ വീഴ്​ച വരുത്തിയാൽ മുനിസിപ്പാലിറ്റി ഇടപെട്ട്​ പൂട്ടിക്കും.