മ​രു​ന്നു​ക​ളു​ടെ പ​ര​സ്യം; പു​തി​യ മാ​ർ​ഗ​നി​ർ​ദേ​ശ​വു​മാ​യി കു​വൈ​ത്ത് ആ​രോ​ഗ്യ മ​ന്ത്രാ​ല​യം

കു​​വൈ​ത്ത് സി​റ്റി: മ​രു​ന്നു​ക​ളു​മാ​യി ബ​ന്ധ​പ്പെ​ട്ട പ​ര​സ്യ​ങ്ങ​ൾ സം​ബ​ന്ധി​ച്ച് പു​തി​യ മാ​ർ​ഗ​നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ച് കു​വൈ​ത്ത് ആ​​രോ​ഗ്യ മ​ന്ത്രാ​ല​യം. ഡ്ര​ഗ് ഇ​ൻ​സ്പെ​ക്ഷ​ൻ ഡി​പ്പാ​ർ​ട്ട്മെ​ന്റി​ന്റെ മു​ൻ​കൂ​ർ അ​നു​മ​തി​യും ലൈ​സ​ൻ​സും ഇ​ല്ലാ​തെ പ​ര​സ്യം ചെ​യ്യാ​ൻ പാ​ടി​ല്ല. സ​മൂ​ഹ മാ​ധ്യ​മ​ങ്ങ​ളി​ലെ പ​ര​സ്യ​ങ്ങ​ൾ​ക്കും ഇ​ത് ബാ​ധ​ക​മാ​ണ്. പ​ര​സ്യം ചെ​യ്യു​ന്ന മ​രു​ന്നു​ക​ളോ ആ​രോ​ഗ്യ ഉ​ൽ​പ​ന്ന​ങ്ങ​ളോ ആ​രോ​ഗ്യ മ​ന്ത്രാ​ല​യ​ത്തി​ന്റെ അം​ഗീ​കാ​രം ല​ഭി​ച്ച​താ​ക​ണം.

ഫാ​ർ​മ​സി​ക​ൾ​ക്കു​ള്ളി​ൽ രോ​ഗി​ക​ളു​മാ​യോ ഫാ​ർ​മ​സി​സ്റ്റു​ക​ളു​മാ​യോ ബ​ന്ധ​പ്പെ​ട്ട ഉ​ള്ള​ട​ക്കം ചി​ത്രീ​ക​രി​ക്കു​ക​യോ പ്ര​സി​ദ്ധീ​ക​രി​ക്കു​ക​യോ ചെ​യ്യാ​ൻ പാ​ടി​ല്ല. തെ​റ്റി​ദ്ധ​രി​പ്പി​ക്കു​ന്ന വാ​ക്കു​ക​ളോ ചി​ത്ര​ങ്ങ​ളോ പ​ര​സ്യ​ത്തി​ൽ ഉ​ണ്ടാ​കാ​ൻ പാ​ടി​ല്ല. അ​ശാ​സ്ത്രീ​യ​മാ​യ​തോ തെ​റ്റാ​യ​തോ ആ​യ വി​വ​ര​ങ്ങ​ൾ പ്ര​ച​രി​പ്പി​ച്ചാ​ൽ ക​ർ​ശ​ന ന​ട​പ​ടി സ്വീ​ക​രി​ക്കും.

പ​ര​സ്യ കി​ഴി​വു​ക​ൾ​ക്കോ ​​പ്ര​മോ​ഷ​ണ​ൽ ഓ​ഫ​റു​ക​ൾ​ക്കോ ​​മ​ന്ത്രാ​ല​യ​ത്തി​ൽ​നി​ന്ന് മു​ൻ​കൂ​ർ അ​നു​മ​തി ആ​വ​ശ്യ​മാ​ണ്. നി​യ​ന്ത്ര​ണ​ങ്ങ​ൾ ലം​ഘി​ക്കു​ന്ന​വ​ർ​ക്ക് മൂ​ന്ന് വ​ർ​ഷം വ​രെ ത​ട​വോ 3,000 ദീ​നാ​ർ പി​ഴ​യോ ല​ഭി​ക്കു​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി.