കുവൈത്തിൽ വിദ്യാഭ്യാസ സ്​ഥാപനങ്ങൾക്ക്​ 14വരെ അവധി

കുവൈത്ത്​ സിറ്റി: കോവിഡ് 19​ വൈറസ്​ ബാധയുടെ പശ്​ചാത്തലത്തിൽ കുവൈത്തിലെ സ്​കൂളുകൾക്കും സർവകലാശാലകൾക്കും രണ്ട ാഴ്​ച അവധി പ്രഖ്യാപിച്ചു. ബുധനാഴ്​ച ചേർന്ന മന്ത്രിസഭ യോഗത്തിലാണ്​ തീരുമാനം. മാർച്ച്​ ഒന്ന്​ മുതൽ 14 വരെയാണ്​ അവധി. ദേശീയ ദിനവും വെള്ളി, ശനി ദിവസങ്ങളും പ്രമാണിച്ച്​ നിലവിൽ അഞ്ച്​ ദിവസം അവധിയാണ്​. സർക്കാർ, സ്വകാര്യ സ്​ഥാപനങ്ങൾക്ക്​​ അവധി ബാധകമായിരിക്കും.