കു​വൈ​ത്ത്-​സൗ​ദി ബ​ന്ധം കൂ​ടു​ത​ൽ ശ​ക്തി​പ്പെ​ടു​ത്തും

കു​വൈ​ത്ത് സി​റ്റി: വി​ദേ​ശ​കാ​ര്യ​മ​ന്ത്രി ശൈ​ഖ് സ​ലീം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ്, സൗ​ദി വി​ദേ​ശ​കാ​ര്യ​മ​ന്ത്രി അ​മീ​ർ ഫൈ​സ​ൽ ബി​ൻ ഫ​ർ​ഹാ​ൻ അ​ൽ സ​ഊ​ദു​മാ​യി ച​ർ​ച്ച ന​ട​ത്തി.

സൗ​ദി ഭ​ര​ണാ​ധി​കാ​രി സ​ൽ​മാ​ൻ രാ​ജാ​വ്, കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ രാ​ജ​കു​മാ​ര​ൻ എ​ന്നി​വ​ർ​ക്ക് കു​വൈ​ത്ത് അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹ് എ​ന്നി​വ​രു​ടെ ആ​ശം​സ​ക​ൾ മ​ന്ത്രി ശൈ​ഖ് സ​ലീം അ​റി​യി​ച്ചു. സൗ​ദി അ​റേ​ബ്യ​യി​ലെ രാ​ഷ്ട്രീ​യ നേ​തൃ​ത്വ​ത്തി​നും സ​ർ​ക്കാ​റി​നും ജ​ന​ങ്ങ​ൾ​ക്കും ആ​ശം​സ​ക​ൾ നേ​ർ​ന്നു.

പ്രാ​ദേ​ശി​ക, അ​ന്ത​ർ​ദേ​ശീ​യ രം​ഗ​ങ്ങ​ളി​ലെ സം​ഭ​വ​വി​കാ​സ​ങ്ങ​ളും പൊ​തു​താ​ൽ​പ​ര്യ​മു​ള്ള വി​ഷ​യ​ങ്ങ​ളും ഇ​രു​വ​രും ച​ർ​ച്ച​ചെ​യ്തു. സാ​മ്പ​ത്തി​കം, മ​നു​ഷ്യ​വി​ക​സ​നം, രാ​ഷ്ട്രീ​യം, സു​ര​ക്ഷ സം​യോ​ജ​നം എ​ന്നീ മേ​ഖ​ല​ക​ളി​ൽ ഇ​രു​രാ​ജ്യ​ങ്ങ​ളു​ടെ​യും നി​ല​വി​ലെ സ്ഥി​തി ഇ​രു​വ​രും വി​ല​യി​രു​ത്തി.

പ്രാ​ദേ​ശി​ക, അ​ന്ത​ർ​ദേ​ശീ​യ വെ​ല്ലു​വി​ളി​ക​ളെ അ​ഭി​മു​ഖീ​ക​രി​ക്കു​ന്ന​തി​ൽ ഏ​കീ​കൃ​ത നി​ല​പാ​ടു​ക​ൾ ശ​ക്തി​പ്പെ​ടു​ത്തു​ന്ന​തി​നു​ള്ള ശ്ര​മ​ങ്ങ​ൾ അ​നി​വാ​ര്യ​മാ​ണെ​ന്നും ഉ​ണ​ർ​ത്തി. ഇ​രു​രാ​ജ്യ​ങ്ങ​ളെ​യും പ​ര​സ്പ​രം ബ​ന്ധി​പ്പി​ക്കു​ന്ന ച​രി​ത്ര​പ​ര​മാ​യ ഉ​ഭ​യ​ക​ക്ഷി ബ​ന്ധ​ങ്ങ​ളെ​ക്കു​റി​ച്ചും, വി​വി​ധ മേ​ഖ​ല​ക​ളി​ൽ നി​ല​നി​ൽ​ക്കു​ന്ന അ​ടു​ത്ത സ​ഹ​ക​ര​ണ​ത്തി​ന്റെ വ​ശ​ങ്ങ​ളും അ​വ​ലോ​ക​നം ചെ​യ്തു. പ​ങ്കാ​ളി​ത്ത​വും സ​ഹ​ക​ര​ണ​വും കൂ​ടു​ത​ൽ ഏ​കീ​ക​ര​ണ​ത്തോ​ടെ വ​ർ​ധി​പ്പി​ക്കു​ന്ന​തി​നു​ള്ള ശ്ര​മ​ങ്ങ​ൾ തു​ട​രു​മെ​ന്ന് ഇ​രു​വ​രും വ്യ​ക്ത​മാ​ക്കി.

2023 ന്റെ ​ആ​ദ്യ​പാ​ദ​ത്തി​ൽ കു​വൈ​ത്ത് ആ​തി​ഥേ​യ​ത്വം വ​ഹി​ക്കു​ന്ന കു​വൈ​ത്ത്-​സൗ​ദി കോ​ഓ​ഡി​നേ​ഷ​ൻ കൗ​ൺ​സി​ലി​ന്റെ ര​ണ്ടാ​മ​ത്തെ യോ​ഗം വി​ളി​ക്കാ​ൻ ഇ​രു​വ​രും തീ​രു​മാ​ന​ത്തി​ലെ​ത്തി.