കുവൈത്തിൽ വാഹനാപകടം: എട്ടുപേർ മരിച്ചു

കുവൈത്ത് സിറ്റി: കുവൈത്തിലെ കബ്ദ് റോഡില്‍ തിങ്കളാഴ്ച രാവിലെ നടന്ന കാറപകടത്തില്‍ എട്ടുപേര്‍ മരിച്ചു. അഞ്ച് കു വൈത്തികളും മൂന്ന് സൗദി സ്വദേശികളുമാണ് മരിച്ചത്.

കബ്ദിനടുത്ത് ചെറിയ വാഹനാപകടമുണ്ടായതിനടുത്ത് കൂടിനിന്നവരുടെ ഇടയിലേക്ക് അമിതവേഗതയിൽ വന്ന മറ്റൊരു കാർ ഇടിച്ചുകയറുകയായിരുന്നു. ഒരാൾക്ക് പരിക്കേറ്റിട്ടുമുണ്ട്. മൃതദേഹങ്ങൾ ഫോറൻസിക് വകുപ്പിന് കൈമാറി.

അഗ്നിശമന വിഭാഗം രക്ഷാപ്രവർത്തനത്തിന് നേതൃത്വം നൽകി. അപകടത്തെ കുറിച്ച് കൂടുതല്‍ അന്വേഷിക്കുമെന്ന് പൊലീസ് വ്യക്തമാക്കി.