വെ​സ്റ്റ് ബാ​ങ്കി​ന്മേ​ൽ പ​ര​മാ​ധി​കാ​രം സ്ഥാ​പി​ക്കാ​നു​ള്ള ഇ​സ്രാ​യേ​ൽ നീ​ക്കം കു​വൈ​ത്ത് ത​ള്ളി

കു​വൈ​ത്ത് സി​റ്റി: വെ​സ്റ്റ് ബാ​ങ്കി​ന്മേ​ൽ പ​ര​മാ​ധി​കാ​രം അ​ടി​ച്ചേ​ൽ​പ്പി​ക്കാ​നും അ​വി​ടെ സെ​റ്റി​ൽ​മെ​ന്‍റു​ക​ൾ വി​പു​ലീ​ക​രി​ക്കാ​നും ആ​ഹ്വാ​നം ചെ​യ്യു​ന്ന ഇ​സ്രാ​യേ​ൽ മ​ന്ത്രി​യു​ടെ പ്ര​സ്താ​വ​ന​ക​ളെ കു​വൈ​ത്ത് ത​ള്ളി.

പ്ര​സ്താ​വ​ന​യെ കു​വൈ​ത്ത് അ​പ​ല​പി​ക്കു​ക​യും നി​ര​സി​ക്കു​ക​യും ചെ​യ്യു​ന്ന​താ​യി വി​ദേ​ശ​കാ​ര്യ മ​ന്ത്രാ​ല​യം വ്യ​ക്ത​മാ​ക്കി. 1967ലെ ​അ​തി​ർ​ത്തി അ​ടി​സ്ഥാ​ന​മാ​ക്കി​യു​ള്ള സ്വ​ത​ന്ത്ര ഫ​ല​സ്തീ​ൻ രാ​ഷ്ട്ര​ത്തി​നു​ള്ള ഫ​ല​സ്തീ​ൻ ജ​ന​ത​യു​ടെ അ​വ​കാ​ശ​ങ്ങ​ളു​ടെ ന​ഗ്ന​മാ​യ ലം​ഘ​ന​മാ​ണ് ഇ​തെ​ന്ന് കു​വൈ​ത്ത് ചൂ​ണ്ടി​ക്കാ​ട്ടി.

അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും സു​ര​ക്ഷ കൗ​ൺ​സി​ൽ പ്ര​മേ​യ​ങ്ങ​ളു​ടെ​യും ലം​ഘ​ന​വു​മാ​ണ് ഇ​തെ​ന്നും മ​ന്ത്രാ​ല​യം സൂ​ചി​പ്പി​ച്ചു. ഇ​സ്രാ​യേ​ലി​ന്റെ ഇ​ത്ത​രം പ്ര​കോ​പ​ന​പ​ര​മാ​യ പ​രാ​മ​ർ​ശ​ങ്ങ​ൾ സം​ഘ​ർ​ഷ സാ​ഹ​ച​ര്യ​ങ്ങ​ളെ കൂ​ടു​ത​ൽ സ​ങ്കീ​ർ​ണ​മാ​ക്കും.

സ​മാ​ധാ​ന​വും സ്ഥി​ര​ത​യും കൈ​വ​രി​ക്കാ​ൻ ല​ക്ഷ്യ​മി​ട്ടു​ള്ള അ​ന്താ​രാ​ഷ്ട്ര ശ്ര​മ​ങ്ങ​ൾ​ക്ക് ഇ​ത് ത​ട​സ്സ​മാ​കു​മെ​ന്നും വി​ദേ​ശ​കാ​ര്യ മ​ന്ത്രാ​ല​യം അ​ടി​വ​ര​യി​ട്ടു.