കുവൈത്തിൽ വെള്ളിയാഴ്​ച റമദാൻ ഒന്ന്​

കുവൈത്ത്​ സിറ്റി: കുവൈത്തിൽ ഏപ്രിൽ 24 വെള്ളിയാഴ്​ച റമദാൻ ഒന്ന്​ ആയി പ്രഖ്യാപിച്ചു. ഒൗഖാഫ്​ മന്ത്രി ഡോ. ഫഹദ്​ അ ൽ അഫാസിയുടെ സാന്നിധ്യത്തിൽ സുപ്രീം ജുഡീഷ്യൽ കൗൺസിൽ ആസ്ഥാനത്ത്​ ചെയർമാൻ യൂസുഫ്​ അൽ മുതവ്വയുടെ അധ്യക്ഷതയിൽ ചേർന്ന ശറഇൗ അതോറിറ്റി യോഗമാണ്​ പ്രഖ്യാപനം നടത്തിയത്​.

ബുധനാഴ്​ചയും അതോറിറ്റി യോഗം ചേർന്നിരുന്നെങ്കിലും മാസപ്പിറവി സംബന്ധിച്ച്​ വിവരം ലഭിക്കാത്തതിനാൽ വ്യാഴാഴ്​ച വീണ്ടും​ യോഗം ചേരുകയായിരുന്നു.

റമദാനിൽ കർഫ്യൂ സമയം നീട്ടിയിട്ടുണ്ട്​. വൈകീട്ട്​ നാലു മുതൽ രാവിലെ എട്ട്​ വരെയാണ്​ കർഫ്യൂ. വൈകീട്ട്​ അഞ്ചു മുതൽ രാത്രി ഒന്ന് വരെ ഫുഡ്​ ഡെലിവറിക്ക്​ അനുവാദമുണ്ട്​.