കുവൈത്ത് ജനസംഖ്യ 4.793 ദശലക്ഷം; 68 ശതമാനവും വിദേശികള്‍

കു​വൈ​ത്ത് സി​റ്റി: രാ​ജ്യ​ത്തെ ജ​ന​സം​ഖ്യ​യി​ല്‍ വ​ര്‍ധ​ന. സെ​ൻ​ട്ര​ൽ സ്റ്റാ​റ്റി​സ്റ്റി​ക്ക​ൽ ബ്യൂ​റോ പു​റ​ത്തി​റ​ക്കി​യ ക​ണ​ക്ക​നു​സ​രി​ച്ച് 4.793 ദ​ശ​ല​ക്ഷ​മാ​ണ് കു​വൈ​ത്തി​ലെ മൊ​ത്തം ജ​ന​സം​ഖ്യ. ഇ​തി​ല്‍ 15.16 ല​ക്ഷം സ്വ​ദേ​ശി​ക​ളും 32.7 ല​ക്ഷം വി​ദേ​ശി​ക​ളു​മാ​ണ്.31.65 ശ​ത​മാ​നം സ്വ​ദേ​ശി​ക​ളും 68.35 ശ​ത​മാ​നം വി​ദേ​ശി​ക​ളും എ​ന്ന​താ​ണ് ജ​ന​സം​ഖ്യ​യി​ലെ അ​നു​പാ​തം. 9.3 ശ​ത​മാ​നം ജ​ന​സം​ഖ്യ ക​ഴി​ഞ്ഞ ഒ​രു വ​ര്‍ഷ​ത്തി​നി​ട​യി​ല്‍ രാ​ജ്യ​ത്ത് വ​ർ​ധി​ച്ചു. ഇ​തി​ല്‍ ഭൂ​രി​ഭാ​ഗ​വും പ്ര​വാ​സി​ക​ളാ​ണ്. വി​ദേ​ശി​ക​ളി​ൽ 10 ല​ക്ഷ​ത്തി​ലേ​റെ പേ​ര്‍ ഇ​ന്ത്യ​ക്കാ​രാ​ണ്.

3,79,491 വി​ദേ​ശി​ക​ളാ​ണ് ക​ഴി​ഞ്ഞ വ​ര്‍ഷ​ത്തി​നി​ടെ പു​തു​താ​യി രാ​ജ്യ​ത്തെ​ത്തി​യ​ത്. പു​തി​യ ക​ണ​ക്കു​പ്ര​കാ​രം സ്വ​ദേ​ശി​ക​ളു​ടെ എ​ണ്ണ​ത്തി​ൽ നേ​രി​യ ഉ​യ​ർ​ച്ച​യു​ണ്ട്. സ്വ​ദേ​ശി​ക​ൾ 1.488 ദ​ശ​ല​ക്ഷ​ത്തി​ൽ​നി​ന്ന് 1.9 ശ​ത​മാ​നം വ​ർ​ധി​ച്ച് 1.517 ദ​ശ​ല​ക്ഷ​മാ​യി. രാ​ജ്യ​ത്തെ മൊ​ത്തം ജ​ന​സം​ഖ്യ​യു​ടെ 61.2 ശ​ത​മാ​നം പു​രു​ഷ​ന്മാ​രും, സ്ത്രീ​ക​ള്‍ 38.2 ശ​ത​മാ​ന​വു​മാ​ണ്. 60 വ​യ​സ്സും അ​തി​ൽ കൂ​ടു​ത​ലു​മു​ള്ള കു​വൈ​ത്തി​ക​ളു​ടെ എ​ണ്ണ​ത്തി​ലും വ​ര്‍ധ​ന രേ​ഖ​പ്പെ​ടു​ത്തി.

കു​വൈ​ത്തി​ക​ളി​ൽ 74 ശ​ത​മാ​നം യു​വ​ത

കു​വൈ​ത്ത് സി​റ്റി: സെ​ൻ​ട്ര​ൽ അ​ഡ്മി​നി​സ്‌​ട്രേ​ഷ​ൻ ഓ​ഫ് സ്റ്റാ​റ്റി​സ്റ്റി​ക്‌​സ് റി​പ്പോ​ർ​ട്ടു​പ്ര​കാ​രം ജ​ന​സം​ഖ്യ​യി​ൽ ഭൂ​രി​ഭാ​ഗ​വും യു​വാ​ക്ക​ൾ. റി​പ്പോ​ർ​ട്ടു​പ്ര​കാ​രം 15.16 ല​ക്ഷം സ്വ​ദേ​ശി​ക​ളി​ൽ 19 വ​യ​സ്സി​ന് താ​ഴെ​യു​ള്ള ഏ​ക​ദേ​ശം 6,51,000 പു​രു​ഷ​ന്മാ​രും സ്ത്രീ​ക​ളും ഉ​ണ്ടെ​ന്നും ക​ണ​ക്കാ​ക്ക​പ്പെ​ടു​ന്നു.

20നും 39​നും ഇ​ട​യി​ൽ പ്രാ​യ​മു​ള്ള 4,73,800 സ്വ​ദേ​ശി​ക​ളും രാ​ജ്യ​ത്തു​ണ്ടെ​ന്ന് ക​ണ​ക്കാ​ക്ക​പ്പെ​ടു​ന്നു.കുവൈത്ത് ജനസംഖ്യ 4.793 ദശലക്ഷം; 68 ശതമാനവും വിദേശികള്‍ഈ ​ര​ണ്ടു ​ഗ്രൂ​പ്പു​ക​ളും​കൂ​ടി സ്വ​ദേ​ശി ജ​ന​സം​ഖ്യ​യു​ടെ 74 ശ​ത​മാ​നം വ​രും. കു​വൈ​ത്ത് പൗ​ര​ന്മാ​രു​ടെ ആ​കെ എ​ണ്ണ​ത്തി​ൽ സ്ത്രീ​ക​ൾ 7,72,838 ആ​ണ്. ഇ​ത് ജ​ന​സം​ഖ്യ​യു​ടെ 51 ശ​ത​മാ​നം വ​രും. ഒ​രു വ​യ​സ്സി​ൽ താ​ഴെ​യു​ള്ള 32,771 കു​ട്ടി​ക​ളാ​ണ് കു​വൈ​ത്തി​ലു​ള്ള​ത്.