കുവൈത്ത് എണ്ണവിലയിൽ കുറവ്

കുവൈത്ത് സിറ്റി: കുവൈത്ത് എണ്ണവില ബാരലിന് 1.41 ഡോളർ കുറഞ്ഞു. ഇതോടെ എണ്ണവില ബാരലിന് 101.03 ഡോളറായതായി കുവൈത്ത് പെട്രോളിയം കോർപ്പറേഷൻ അറിയിച്ചു. കഴിഞ്ഞ ദിവസം ഇത് 102.44 ഡോളറായിരുന്നു. അതേസമയം, അന്താരാഷ്ട്ര വിപണിയിലും എണ്ണവിലയിൽ ഇടിവ് രേഖപ്പെടുത്തി. മേഖലയിൽ സംഘർഷത്തിൽ അയവുവന്നതാണ് എണ്ണ വില കുറയാൻ കാരണമെന്നാണ് സൂചന. ഇറാൻ-യു.എസ് സംഘർഷവും, ഹുർമുസ് കടലിടുക്ക് അടച്ചതും എണ്ണവിലയിൽ കുത്തനെയുള്ള ഉയർച്ചക്ക് കാരണമായിരുന്നു.