കു​വൈ​ത്ത്: പു​തി​യ താ​മ​സ​നി​യ​മ ക​ര​ട് അ​ടു​ത്ത ആ​ഴ്ച ദേ​ശീ​യ അ​സം​ബ്ലി​യി​ൽ

കു​വൈ​ത്ത് സി​റ്റി: രാ​ജ്യ​ത്ത് നി​ർ​ത്തി​വെ​ച്ച എ​ല്ലാ​തരം വി​സ​ക​ളും വൈ​കാ​തെ പു​ന​രാ​രം​ഭി​ക്കും. പ്ര​വാ​സി​ക​ളു​ടെ രാ​ജ്യ​ത്തേ​ക്കു​ള്ള പ്ര​വേ​ശ​നം, താ​മ​സം എ​ന്നി​വ ഉ​ൾ​ക്കൊള്ളു​ന്ന പു​തി​യ താ​മ​സ നി​യ​മ​ത്തി​ന് സ​ർ​ക്കാ​ർ അ​ന്തി​മ രൂ​പം ന​ൽ​കി​യി​ട്ടു​ണ്ട്. അ​ടു​ത്ത​യാ​ഴ്ച ചേ​രു​ന്ന ദേ​ശീ​യ അ​സം​ബ്ലി​യി​ൽ താ​മ​സ നി​യ​മ​ത്തി​ന്‍റെ ക​ര​ട് അ​വ​ത​രി​പ്പി​ക്കും. 19, 20 തീയ​തി​ക​ളി​ലാ​ണ് അ​സം​ബ്ലി സ​മ്മേ​ള​നം. അ​സം​ബ്ലി അം​ഗീ​കാ​ര​ത്തോ​ടെ നി​യ​മം പ്രാ​ബ​ല്യ​ത്തി​ൽ വ​ന്നാ​ൽ വി​സ ന​ൽ​കു​ന്ന​തി​നു​ള്ള നി​യ​ന്ത്ര​ണ​ങ്ങ​ൾ നീ​ക്കും. ഇ​തോ​ടെ നി​ർ​ത്തി​വെ​ച്ച കു​ടും​ബ​വി​സ, സ​ന്ദ​ർ​ശ​ന വി​സ എ​ന്നി​വ പു​ന​രാ​രം​ഭി​ക്കും.

വി​സ പു​ന​രാ​രം​ഭി​ക്കു​ന്ന​തു സം​ബ​ന്ധി​ച്ച് ആ​ഭ്യ​ന്ത​ര മ​ന്ത്രി ശൈ​ഖ് ത​ലാ​ൽ അ​ൽ ഖാ​ലി​ദ് അ​സ്സ​ബാ​ഹ് ഉ​റ​പ്പു​ന​ൽ​കി​യ​താ​യി എം.​പി അ​ബ്ദു​ൽ​വ​ഹാ​ബ് അ​ൽ എ​സ്സ വ്യ​ക്ത​മാ​ക്കി. വി​സ​ക​ൾ ദീ​ർ​ഘ​നാ​ളാ​യി അ​നു​വ​ദി​ക്കാ​തി​രു​ന്ന​തി​നാ​ൽ പ്ര​വാ​സി​ക​ളും പ്രാ​ദേ​ശി​ക ബി​സി​ന​സു​ക​ളും നേ​രി​ടു​ന്ന പ്ര​ശ്‌​ന​ങ്ങ​ൾ വി​ശ​ദീ​ക​രി​ച്ചു​ള്ള കൂ​ടി​ക്കാ​ഴ്ച​ക്കു ശേ​ഷ​മാ​ണ് മ​ന്ത്രി​യു​ടെ ഉ​റ​പ്പെ​ന്ന് രാ​ജ്യ​ത്തെ ബി​സി​ന​സ് അ​ന്ത​രീ​ക്ഷം മെ​ച്ച​പ്പെ​ടു​ത്താ​ൻ ചു​മ​ത​ല​പ്പെ​ടു​ത്തി​യ നി​യ​മ​സ​ഭാ സ​മി​തി​യു​ടെ ത​ല​വ​ൻ കൂ​ടി​യാ​യ എം.​പി അ​ബ്ദു​ൽ വ​ഹാ​ബ് അ​ൽ എ​സ്സ പ​റ​ഞ്ഞു. വി​ദേ​ശി​ക​ൾ​ക്ക് ആ​ശ്രി​ത വി​സ നി​ർ​ത്ത​ലാ​ക്കി​യ​തി​ന്‍റെ പ്ര​ത്യാ​ഘാ​ത​ങ്ങ​ളെ​ക്കു​റി​ച്ച് സ്വ​കാ​ര്യ മേ​ഖ​ല​യി​ൽ നി​ന്ന് നി​ര​വ​ധി പ​രാ​തി​ക​ൾ ല​ഭി​ച്ചി​ട്ടു​ണ്ട്. ആ​ശ്രി​ത വി​സ​ക​ളും മ​റ്റു വി​സ​ക​ളും മ​ര​വി​പ്പി​ക്കു​ന്ന​ത് സ്വ​കാ​ര്യ മേ​ഖ​ല​യി​ലും ചെ​റു​കി​ട ബി​സി​ന​സു​ക​ളി​ലും വി​പ​ണി​യി​ലും ഉ​ണ്ടാ​ക്കു​ന്ന ആ​ഘാ​തം പ​ഠി​ക്കാ​ൻ ദേ​ശീ​യ അ​സം​ബ്ലി​യോ​ട് അ​നു​മ​തി ചോ​ദി​ച്ച​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.

ആ​ശ്രി​ത വി​സ മ​ര​വി​പ്പി​ച്ച​തി​ന്‍റെ ഫ​ല​മാ​യി ഉ​യ​ർ​ന്ന യോ​ഗ്യ​ത​യും വൈ​ദ​ഗ്ധ്യ​വു​മു​ള്ള ആ​ളു​ക​ൾ രാ​ജ്യം വി​ട്ടു​പോ​യ​തി​നാ​ൽ കു​വൈ​ത്ത് അ​വി​വാ​ഹി​ത​രാ​യ പ്ര​വാ​സി​ക​ളു​ടെ ഇ​ട​മാ​യി മാ​റി. വി​ദ​ഗ്ധ​രാ​യ പ്ര​വാ​സി​ക​ൾ മ​റ്റു രാ​ജ്യ​ങ്ങ​ളി​ൽ ജോ​ലി ല​ഭി​ക്കു​മ്പോ​ൾ ഉ​ട​ൻ കു​വൈ​ത്ത് വി​ടു​ന്നു. കു​ടും​ബ​ത്തോ​ടെ​യ​ല്ലാ​തെ ഇ​വി​ടെ താ​മ​സി​ക്കാ​ൻ ഒ​രു പ്ര​വാ​സി​യും ത​യാ​റ​ല്ല. വി​സ​ക​ൾ നി​ർ​ത്ത​ലാ​ക്കു​ന്ന​ത് തൊ​ഴി​ലാ​ളി ക്ഷാ​മ​ത്തി​ന് കാ​ര​ണ​മാ​യി. ഇ​ത് മ​നു​ഷ്യ​ശേ​ഷി​യു​ടെ ചെ​ല​വ് വ​ർ​ധി​ക്കു​ന്ന​തി​ലേ​ക്ക് ന​യി​ക്കു​ക​യും നി​ർ​മാ​ണ​ച്ചെ​ല​വി​നെ പ്ര​തി​കൂ​ല​മാ​യി ബാ​ധി​ക്കു​ക​യും ചെ​യ്തു​വെ​ന്ന് എ​സ്സ പ​റ​ഞ്ഞു. ഇ​ക്കാ​ര്യ​ങ്ങ​ൾ ആ​ഭ്യ​ന്ത​ര​മ​ന്ത്രി​യെ അ​റി​യി​ച്ച​താ​യും വ്യ​ക്ത​മാ​ക്കി.

2022 ജൂ​ണി​ലാ​ണ് കു​വൈ​ത്ത് കു​ടും​ബ​വി​സ അ​നു​വ​ദി​ക്കു​ന്ന​ത് പൂ​ർ​ണ​മാ​യും നി​ര്‍ത്തി​വെ​ച്ച​ത്. വൈ​കാ​തെ സ​ന്ദ​ർ​ശ​ന വി​സ​യും നി​ർ​ത്തി​വെ​ച്ചു. ക​മേ​ഴ്സ്യ​ൽ സ​ന്ദ​ർ​ശ​ന വി​സ മാ​ത്ര​മാ​ണ് നി​ല​വി​ൽ അ​നു​വ​ദി​ക്കു​ന്ന​ത്.