കു​വൈ​ത്ത്: പുതിയ സർക്കാർ തിങ്കളാഴ്ച ദേശീയ അസംബ്ലിയിൽ സത്യപ്രതിജ്ഞ ചെയ്യും

കു​വൈ​ത്ത് സി​റ്റി: പ്ര​ധാ​ന​മ​ന്ത്രി ശൈ​ഖ് ഡോ. ​മു​ഹ​മ്മ​ദ് സ​ബാ​ഹ് അ​ൽ സാ​ലിം അ​സ്സ​ബാ​ഹി​ന്റെ നേ​തൃ​ത്വ​ത്തി​ലു​ള്ള പു​തി​യ സ​ർ​ക്കാ​ർ തി​ങ്ക​ളാ​ഴ്ച ദേ​ശീ​യ അ​സം​ബ്ലി​യി​ൽ സ​ത്യ​പ്ര​തി​ജ്ഞ ചെ​യ്യും. ഡെ​പ്യൂ​ട്ടി അ​മീ​റാ​യി നി​യ​മി​ത​നാ​യ പ്ര​ധാ​ന​മ​ന്ത്രി ഈ ​നി​ല​യി​ലും സ​ത്യ​പ്ര​തി​ജ്ഞ ചെ​യ്യു​മെ​ന്നും സ്പീ​ക്ക​ർ അ​ഹ്മ​ദ് അ​ൽ സ​ദൂ​ൺ അ​റി​യി​ച്ചു. ഇ​തി​നാ​യി തി​ങ്ക​ളാ​ഴ്ച പ്ര​ത്യേ​ക അ​സം​ബ്ലി സ​മ്മേ​ള​നം ചേ​രും.

ഈ ​മാ​സം നാ​ലി​നാ​ണ് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് രാ​ജ്യ​ത്തെ പു​തി​യ പ്ര​ധാ​ന​മ​ന്ത്രി​യാ​യി ശൈ​ഖ് ഡോ. ​മു​ഹ​മ്മ​ദ് സ​ബാ​ഹ് അ​ൽ സ​ലിം അ​സ്സ​ബാ​ഹി​നെ നി​യ​മി​ച്ച​ത്. 17 പ്ര​ധാ​ന​മ​ന്ത്രി പു​തി​യ മ​ന്ത്രി​സ​ഭ രൂ​പ​വ​ത്ക​രി​ക്കു​ക​യും അ​മീ​റി​ന് മു​മ്പാ​കെ സ​ത്യ​പ്ര​തി​ജ്ഞ ചെ​യ്യു​ക​യും ചെ​യ്തു. ഭ​ര​ണ​ഘ​ട​ന പ്ര​കാ​രം മ​ന്ത്രി​സ​ഭ അം​ഗ​ങ്ങ​ൾ ദേ​ശീ​യ അ​സം​ബ്ലി​യി​ലും സ​ത്യ​പ്ര​തി​ജ്ഞ ചെ​യ്യേ​ണ്ട​തു​ണ്ട്.

ഇ​തി​നി​ടെ, ബു​ധ​നാ​ഴ്ച പ്ര​ധാ​ന​മ​ന്ത്രി ശൈ​ഖ് ഡോ. ​മു​ഹ​മ്മ​ദ് സ​ബാ​ഹ് അ​ൽ സാ​ലിം അ​സ്സ​ബാ​ഹി​നെ ഡെ​പ്യൂ​ട്ടി അ​മീ​റാ​യി നി​യ​മി​ച്ചും അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് പു​റ​പ്പെ​ടു​വി​ച്ചു. അ​മീ​ർ രാ​ജ്യ​ത്തി​ന് പു​റ​ത്താ​യി​രി​ക്കു​മ്പോ​ൾ പ്ര​ധാ​ന​മ​ന്ത്രി​ക്കാ​യി​രി​ക്കും ചു​മ​ത​ല.

പു​തി​യ കി​രീ​ടാ​വ​കാ​ശി​യെ നാ​മ​ക​ര​ണം ചെ​യ്യു​ന്ന​തു​വ​രെ​യാ​കും ചു​മ​ത​ല. ഡെ​പ്യൂ​ട്ടി അ​മീ​റും അ​സം​ബ്ലി​യി​ൽ സ​ത്യ​പ്ര​തി​ജ്ഞ​ചെ​യ്യ​ൽ നി​ർ​ബ​ന്ധ​മാ​ണ്. പ്ര​ധാ​ന​മ​ന്ത്രി ശൈ​ഖ് ഡോ. ​മു​ഹ​മ്മ​ദ് സ​ബാ​ഹ് അ​ൽ സാ​ലിം അ​സ്സ​ബാ​ഹ് അ​മീ​റി​ന് വേ​ണ്ടി പ്ര​വ​ർ​ത്തി​ക്കു​ന്ന സ​മ​യ​ത്ത് ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യും ആ​ക്ടി​ങ് ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് സ​ഊ​ദ് അ​സ്സ​ബാ​ഹ് പ്ര​ധാ​ന​മ​ന്ത്രി​യു​ടെ ചു​മ​ത​ല നി​ർ​വ​ഹി​ക്കും.

ഡി​സം​ബ​ർ 20ന് ​മു​ൻ പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് രാ​ജി സ​മ​ർ​പ്പി​ച്ച​താ​ണ് പു​തി​യ സ​ർ​ക്കാ​ർ രൂ​പ​വ​ത്ക​ര​ണ​ത്തി​ന് സാ​ഹ​ച​ര്യം ഒ​രു​ക്കി​യ​ത്.