ദേ​ശീ​യ ദി​നാ​ഘോ​ഷ​ത്തി​ന് കു​വൈ​ത്ത് ഒ​രു​ങ്ങി

കു​വൈ​ത്ത് സി​റ്റി: 58ാമ​ത് ദേ​ശീ​യ​ദി​നാ​ഘോ​ഷ​ത്തി​ന് രാ​ജ്യ​ത്ത് ഒ​രു​ക്കം പൂ​ർ​ത്തി​യാ​യി. വി​പു​ല​മാ​യ ഒ​രു​ക്ക​ങ്ങ​ളാ​ണ് ആ​ഭ്യ​ന്ത​ര മ​ന്ത്രാ​ല​യ​ത്തി​​െൻറ നേ​തൃ​ത്വ​ത്തി​ൽ ന​ട​ത്തി​യി​ട്ടു​ള്ള​ത്. മ​ന്ത്രാ ​ല​യ​ത്തി​ലെ വി​വി​ധ വ​കു​പ്പു​ക​ളു​ടെ സ​ഹ​ക​ര​ണ​ത്തോ​ടെ വാ​ണി​ജ്യ സ്​​ഥാ​പ​ന​ങ്ങ​ൾ, ആ​ഘോ​ഷ ഇ​ട​ങ്ങ​ൾ ഉ​ൾ​പ്പെ​ടെ നി​രീ​ക്ഷ​ണം ശ​ക്ത​മാ​ക്കും. ആ​വ​ശ്യാ​നു​സ​ര​ണം ബ​ന്ധ​പ്പെ​ട്ട ഉ​ദ്യോ​ഗ​സ്​​ഥ​ർ യോ​ഗം ചേ​ർ​ന്ന് സു​ര​ക്ഷ സാ​ഹ​ച​ര്യം വി​ല​യി​രു​ത്തി. റോ​ഡു​ക​ളി​ൽ വാ​ഹ​ന​ത്തി​ര​ക്ക് കു​റ​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി​ക​ൾ ട്രാ​ഫി​ക് വി​ഭാ​ഗം കൈ​ക്കൊ​ണ്ടി​ട്ടു​ണ്ട്. ഏ​ത് സാ​ഹ​ച​ര്യ​വും നേ​രി​ടു​ന്ന​തി​നാ​വ​ശ്യ​മാ​യ പ​ദ്ധ​തി​ക​ൾ ത​യാ​റാ​ക്കി​യി​ട്ടു​ണ്ടെ​ന്ന് ആ​ഭ്യ​ന്ത​ര മ​ന്ത്രാ​ല​യ​ത്തി​ലെ ഓ​പ​റേ​ഷ​ൻ വി​ഭാ​ഗം അ​റി​യി​ച്ചു. ദേ​ശീ​യ, വി​മോ​ച​ന ദി​ന​ങ്ങ​ളോ​ട​നു​ബ​ന്ധി​ച്ചു​ള്ള പൊ​തു​അ​വ​ധി തു​ട​ങ്ങി​യ​തോ​ടെ കു​വൈ​ത്ത് അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ വ​ൻ​തി​ര​ക്കാ​ണ് അ​നു​ഭ​വ​പ്പെ​ട്ട​ത്. വെ​ള്ളി, ശ​നി, ഞാ​യ​ർ, തി​ങ്ക​ൾ, ചൊ​വ്വ ദി​വ​സ​ങ്ങ​ളി​ൽ അ​വ​ധി​യാ​യ​തി​നാ​ൽ വ്യാ​ഴാ​ഴ്ച വൈ​കീ​ട്ടും രാ​ത്രി​യും വി​മാ​ന​ത്താ​വ​ള​ത്തി​ൽ വ​ൻ തി​ര​ക്കാ​ണ് അ​നു​ഭ​വ​പ്പെ​ട്ട​ത്. രാ​ജ്യ​ത്ത് ദേ​ശീ​യ ദി​ന, വി​മോ​ച​ന ദി​നാ​ഘോ​ഷ​ങ്ങ​ൾ പൊ​ടി​പൊ​ടി​ക്കു​ക​യാ​ണെ​ങ്കി​ലും ധാ​രാ​ളം സ്വ​ദേ​ശി​ക​ളും അ​വ​ധി ആ​ഘോ​ഷി​ക്കാ​ൻ വി​ദേ​ശ​ത്ത് പോ​വു​ന്നു​ണ്ട്.
മ​ല​യാ​ളി​ക​ള​ട​ക്ക​മു​ള്ള വി​ദേ​ശി​ക​ളി​ൽ നി​ര​വ​ധി​പേ​ർ നാ​ട്ടി​ലേ​ക്ക് തി​രി​ച്ചി​ട്ടു​ണ്ട്. അ​തി​നി​ടെ തി​ര​ക്ക് മു​ത​ലെ​ടു​ത്ത് വി​മാ​ന​ക്ക​മ്പ​നി​ക​ൾ ടി​ക്ക​റ്റ് നി​ര​ക്ക് മൂ​ന്നി​ര​ട്ടി വ​രെ ഉ​യ​ർ​ത്തി. ഒ​ട്ട​ക​യോ​ട്ടം പോ​ലു​ള്ള പ​ര​മ്പ​രാ​ഗ​ത മ​ത്സ​ര​ങ്ങ​ളും ശൈ​ഖ് ജാ​ബി​ർ ക​ൾ​ച​റ​ൽ സ​െൻറ​റി​ൽ ന​ട​ക്കു​ന്ന വി​വി​ധ സാം​സ്​​കാ​രി​ക പ​രി​പാ​ടി​ക​ളും വീ​ക്ഷി​ക്കു​ന്ന​തി​ന്​ വി​ദേ​ശ​ത്തു​നി​ന്ന്​ ധാ​രാ​ളം ആ​ളു​ക​ൾ കു​വൈ​ത്തി​ലെ​ത്തു​ന്നു​ണ്ട്. ഫെ​ബ്രു​വ​രി അ​വ​സാ​നം​വ​രെ കാ​ല​പ​രി​ധി​യു​ള്ള ടൂ​റി​സ്​​റ്റ്, കു​ടും​ബ, കൊ​മേ​ഴ്സ്യ​ൽ സ​ന്ദ​ർ​ശ​ക വി​സ​ക​ളാ​ണ് ഇ​ഷ്യൂ ചെ​യ്ത​ത്. വ്യ​ക്തി​ക​ൾ ഓ​ൺ​ലൈ​നാ​യും രാ​ജ്യ​ത്തെ വ​ൻ​കി​ട ഹോ​ട്ട​ലു​ക​ൾ വ​ഴി​യും ന​ൽ​കി​യ അ​പേ​ക്ഷ​യി​ലാ​ണ് ആ​ഭ്യ​ന്ത​ര മ​ന്ത്രാ​ല​യം സ​ന്ദ​ർ​ശ​ക വി​സ അ​നു​വ​ദി​ക്കു​ന്ന​ത്.