കു​വൈ​ത്ത്: പു​തി​യ താ​മ​സ​നി​യ​മം നാ​ളെ ദേ​ശീ​യ അ​സം​ബ്ലി​യി​ൽ

കു​വൈ​ത്ത് സി​റ്റി: പ്ര​വാ​സി​ക​ളു​ടെ രാ​ജ്യ​ത്തേ​ക്കു​ള്ള പ്ര​വേ​ശ​നം, താ​മ​സം എ​ന്നി​വ ഉ​ൾ​ക്കൊ​ള്ളു​ന്ന പു​തി​യ താ​മ​സ​നി​യ​മം ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ ചേ​രു​ന്ന ദേ​ശീ​യ അ​സം​ബ്ലി ച​ർ​ച്ച​ചെ​യ്യും. അ​സം​ബ്ലി സ​മ്മേ​ള​ന അ​ജ​ണ്ട​യി​ൽ പ്ര​വാ​സി​ക​ളു​ടെ താ​മ​സം സം​ബ​ന്ധി​ച്ച ക​ര​ട് നി​യ​മം ഉ​ൾ​പ്പെ​ടു​ത്തി​യി​ട്ടു​ണ്ട്. പു​തി​യ താ​മ​സ നി​യ​മ​ത്തി​ന് ക​ഴി​ഞ്ഞ സ​ർ​ക്കാ​ർ അ​ന്തി​മ രൂ​പം ന​ൽ​കി​യി​ട്ടു​ണ്ട്. ഇ​തി​ൽ ദേ​ശീ​യ അ​സം​ബ്ലി​യി​ലെ നി​ർ​ദേ​ശ​ങ്ങ​ൾ കൂ​ടി പ​രി​ഗ​ണി​ച്ചാ​വും പു​തി​യ നി​യ​മം പ്രാ​ബ​ല്യ​ത്തി​ൽ വ​രുക.

പു​തി​യ താ​മ​സ​നി​യ​മം പ്ര​തീ​ക്ഷ​ക​ളോ​ടെ​യാ​ണ് പ്ര​വാ​സി​ക​ൾ കാ​ത്തി​രി​ക്കു​ന്ന​ത്. കു​ടും​ബ​വി​സ, കു​ടും​ബ സ​ന്ദ​ർ​ശ​ക വി​സ എ​ന്നി​വ​യി​ൽ പു​തി​യ നി​യ​മ​ത്തി​ൽ മാ​റ്റ​ങ്ങ​ൾ ഉ​ണ്ടാ​കു​മെ​ന്നാ​ണ് സൂ​ച​ന. ദീ​ർ​ഘ​കാ​ല​മാ​യി നി​ർ​ത്തി​വെ​ച്ച കു​ടും​ബ​വി​സ അ​ടു​ത്തി​ടെ​യാ​ണ് പു​ന​രാ​രം​ഭി​ച്ച​ത്. എ​ന്നാ​ൽ 800 ദീ​നാ​ർ പ്ര​തി​മാ​സ ശ​മ്പ​ള​വും ബി​രു​ദ​വും അ​പേ​ക്ഷ​ക​ന് നി​ർ​ബ​ന്ധ​മാ​ക്കി.

മാ​ന​ദ​ണ്ഡ​ങ്ങ​ൾ ക​ടു​ത്ത​താ​യ​തി​നാ​ൽ മി​ഡി​ൽ ക്ലാ​സ് കു​ടും​ബ​ങ്ങ​ൾ​ക്ക് ഇ​ത് പ്ര​യാ​സം സൃ​ഷ്ടി​ക്കു​ന്നു​ണ്ട്. മാ​ന​ദ​ണ്ഡ​ങ്ങ​ളി​ൽ മാ​റ്റം വ​രു​മോ എ​ന്ന പ്ര​തീ​ക്ഷ​യി​ലാ​ണ് പ്ര​വാ​സി​ക​ൾ. കു​ടും​ബ സ​ന്ദ​ർ​ശ​ന വി​സ പു​ന​രാ​രം​ഭി​ക്കു​മോ എ​ന്ന​തും പ്ര​വാ​സി​ക​ൾ കാ​ത്തി​രി​ക്കു​ന്ന പ്ര​ഖ്യാ​പ​ന​മാ​ണ്. അ​തേ​സ​മ​യം, റ​സി​ഡ​ൻ​സി പെ​ർ​മി​റ്റു​ക​ൾ​ക്കും പു​തു​ക്ക​ലു​ക​ൾ​ക്കും എ​ൻ​ട്രി വി​സ​ക്കും പു​തി​യ ഫീ​സ് നി​ര​ക്ക് വ​ന്നേ​ക്കു​മെ​ന്നും റി​പ്പോ​ർ​ട്ടു​ണ്ട്.

മ​ണ്ഡ​ല​ങ്ങ​ളി​ലെ ഭേ​ദ​ഗ​തി​ക​ൾ, ജീ​വി​ത​ച്ചെ​ല​വ് അ​ല​വ​ൻ​സ്, പെ​ൻ​ഷ​ൻ​കാ​ർ​ക്ക് പ​ലി​ശ ര​ഹി​ത വാ​യ്പ​ക​ൾ എ​ന്നി​വ​യും ര​ണ്ടു ദി​വ​സ​ത്തെ ദേ​ശീ​യ അ​സം​ബ്ലി അ​ജ​ണ്ട​യി​ലെ വി​ഷ​യ​ങ്ങ​ളാ​ണ്. അ​തി​നി​ടെ, ദേ​ശീ​യ അ​സം​ബ്ലി സ്പീ​ക്ക​ർ അ​ഹ​മ്മ​ദ് അ​ൽ സ​ദൂ​ൻ ഞാ​യ​റാ​ഴ്ച മ​ന്ത്രി​മാ​രു​മാ​യി കൂ​ടി​ക്കാ​ഴ്ച ന​ട​ത്തി. ഉ​പ​പ്ര​ധാ​ന​മ​ന്ത്രി​യും കാ​ബി​ന​റ്റ് കാ​ര്യ സ​ഹ​മ​ന്ത്രി​യു​മാ​യ ഷെ​രീ​ദ അ​ൽ മൗ​ഷ​ർ​ജി, സാ​മൂ​ഹി​ക, കു​ടും​ബ, ബാ​ല​കാ​ര്യ മ​ന്ത്രി ശൈ​ഖ് ഫെ​റാ​സ് അ​സ്സ​ബാ​ഹ്, ദേ​ശീ​യ അ​സം​ബ്ലി കാ​ര്യ സ​ഹ​മ​ന്ത്രി​യും യു​വ​ജ​ന​കാ​ര്യ സ​ഹ​മ​ന്ത്രി​യും വാ​ർ​ത്താ​വി​നി​മ​യ സ​ഹ​മ​ന്ത്രി​യു​മാ​യ ദാ​വൂ​ദ് മ​റാ​ഫി എ​ന്നി​വ​രു​മാ​യാ​ണ് കൂ​ടി​ക്കാ​ഴ്ച ന​ട​ത്തി​യ​ത്.