തെ​രു​വുനാ​യ്ക്ക​ൾ​ക്ക് അ​ഭ​യ​കേ​ന്ദ്ര​മൊ​രു​ക്കാ​ൻ കു​വൈ​ത്ത് മു​നി​സി​പ്പാ​ലി​റ്റി

കു​വൈ​ത്ത് സി​റ്റി: തെ​രു​വ് നാ​യ്ക്ക​ൾ​ക്ക് അ​ഭ​യ​കേ​ന്ദ്ര​മൊ​രു​ക്കു​ന്ന​ത് കു​വൈ​ത്ത് മു​നി​സി​പ്പാ​ലി​റ്റി​യു​ടെ പ​രി​ഗ​ണ​ന​യി​ൽ.

ഇ​തി​നാ​യി സ്ഥ​ലം അ​നു​വ​ദി​ക്ക​ണ​മെ​ന്ന് കാ​ർ​ഷി​ക -മ​ത്സ്യ​വി​ഭ​വ വ​കു​പ്പി​ന്റെ അ​ഭ്യ​ർ​ഥ​ന ചൊ​വ്വാ​ഴ്ച ന​ട​ക്കു​ന്ന മു​നി​സി​പ്പ​ൽ കൗ​ൺ​സി​ലി​ന്റെ ടെ​ക്നി​ക്ക​ൽ ക​മ്മി​റ്റി ച​ർ​ച്ച ചെ​യ്യു​മെ​ന്ന് മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ മ​നാ​ൽ അ​ൽ-​അ​സ്ഫൂ​ർ പ​റ​ഞ്ഞു. വ​ഫ്ര, അ​ബ്ദ​ലി, സാ​ൽ​ഹി​യ, ക​ബ്ദ് തു​ട​ങ്ങി​യ കാ​ർ​ഷി​ക മേ​ഖ​ല​ക​ളി​ലാ​ണ് സ്ഥ​ലം ക​ണ്ടെ​ത്താ​ൻ ശ്ര​മി​ക്കു​ന്ന​ത്.

നി​ർ​ദി​ഷ്ട സ്ഥ​ല​ത്തി​ന്റെ വി​സ്തീ​ർ​ണ്ണ​വും മ​റ്റു ആ​വ​ശ്യ​ക​ത​ക​ളും വ്യ​ക്ത​മാ​ക്കാ​ൻ കൃ​ഷി വ​കു​പ്പി​നോ​ട് ആ​വ​ശ്യ​പ്പെ​ട്ടി​ട്ടു​ണ്ട്. വ​ഫ്ര അ​ബ്​​ദ​ലി, ക​ബ്​​ദ്, സു​ലൈ​ബി​യ തു​ട​ങ്ങി​യ കാ​ർ​ഷി​ക മേ​ഖ​ല​ക​ളി​ലും ചി​ല റെ​സി​ഡ​ൻ​ഷ്യ​ൽ ഏ​രി​യ​ക​ളി​ലും തെ​രു​വുനാ​യ്ക്ക​ളു​ടെ ശ​ല്യ​മു​ണ്ട്.

ന​ട​വ​ഴി​ക​ളും തു​റ​ന്ന മൈ​താ​ന​ങ്ങ​ളും​ തെ​രു​വു​നാ​യ​ക​ൾ കൈ​യ​ട​ക്കി​യ​താ​യി പ​രാ​തി​യു​ണ്ട്. ചി​ല സ്വ​ദേ​ശി​ക​ൾ വി​ദേ​ശ​ത്തു​നി​ന്ന്​ ഇ​റ​ക്കു​മ​തി ചെ​യ്യു​ന്ന നാ​യ​ക​ളെ പി​ന്നീ​ട്​ തെ​രു​വി​ലേ​ക്ക്​ ഇ​റ​ക്കിവി​ടു​ന്ന​തും വീ​ടു​ക​ളി​ൽ​നി​ന്ന്​ ഓ​ടി​പ്പോ​വു​ന്ന​തു​മാ​ണ്​ കു​വൈ​ത്തി​ൽ മു​ൻ​കാ​ല​ത്തെ അ​പേ​ക്ഷി​ച്ച്​ തെ​രു​വ​ുനാ​യ ശ​ല്യം വ​ർ​ധി​ക്കാ​ൻ കാ​ര​ണ​മാ​യി ചൂ​ണ്ടി​ക്കാ​ട്ടു​ന്ന​ത്.

ഇ​വ​യി​ൽ​നി​ന്ന്​ പ്ര​ത്യു​ൽ​പാ​ദ​ന​ത്തി​ലൂ​ടെ വ്യാ​പ​ന​മു​ണ്ടാ​യി. വ​ലി​യ പ​ണം കൊ​ടു​ത്ത്​ ഇ​റ​ക്കു​മ​തി ചെ​യ്യു​ന്ന നാ​യ്​​ക്ക​ളെ ഏ​താ​നും മാ​സ​ത്തെ കൗ​തു​കം ക​ഴി​ഞ്ഞാ​ൽ പു​റ​ത്ത്​ ഇ​റ​ക്കി​വി​ടു​ന്ന​താ​യി പ​രാ​തി​യു​ണ്ട്. അ​ല​ഞ്ഞു​തി​രി​ഞ്ഞു ന​ട​ക്കു​ന്ന നാ​യ്​​ക്ക​ൾ വ​ഴി​യാ​ത്ര​ക്കാ​ർ​ക്ക്​ ഭീ​ഷ​ണി​യാ​യ​തി​നെ തു​ട​ർ​ന്ന്​ കാ​ർ​ഷി​ക മ​ത്സ്യ വി​ഭ​വ വ​കു​പ്പി​ലെ ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ ഇ​വ​യെ വി​ഷം കു​ത്തി​വെ​ച്ച്​ കൊ​ല്ലു​ന്ന പ​ദ്ധ​തി ആ​രം​ഭി​ച്ച​പ്പോ​ൾ ഇ​തി​നെ​തി​രെ മൃ​ഗ​സ്​​നേ​ഹി​ക​ൾ സ​മ​ര​ത്തി​നി​റ​ങ്ങി.

മാ​നു​ഷി​ക സേ​വ​ന​ത്തി​നും ദ​യ​ക്കും പേ​രു​കേ​ട്ട കു​വൈ​ത്തി​ന്​ ചേ​രാ​ത്ത പ്ര​വ​ൃത്തി​യാ​ണ്​ ജ​ന്തു​ക്ക​​ളെ വി​ഷം കു​ത്തി​വെ​ച്ച്​ കൊ​ല്ലു​ന്ന​തെ​ന്ന്​ ചൂ​ണ്ടി​ക്കാ​ട്ടി​യാ​ണ്​ പ്ര​തി​ഷേ​ധം ഉ​യ​ർ​ത്തി​യ​ത്.