മൂ​ന്നാ​മ​ത് ജി.​സി.​സി ബീ​ച്ച് ഗെ​യിം​സ്; പ്ര​തീ​ക്ഷ​യോ​ടെ കു​വൈ​ത്ത്

കു​വൈ​ത്ത് സി​റ്റി: ഒ​മാ​നി​ൽ ശ​നി​യാ​ഴ്ച ആ​രം​ഭി​ക്കു​ന്ന മൂ​ന്നാ​മ​ത് ഗ​ൾ​ഫ് സ​ഹ​ക​ര​ണ കൗ​ൺ​സി​ൽ (ജി.​സി.​സി) ബീ​ച്ച് ഗെ​യിം​സി​ൽ കു​വൈ​ത്ത് പ​​ങ്കെ​ടു​ക്കും. ഏ​പ്രി​ൽ 11 വ​രെ തു​ട​രു​ന്ന ടൂ​ർ​ണ​മെ​ന്റി​ൽ ആ​റി​ന​ങ്ങ​ളി​ലാ​യി കു​വൈ​ത്ത് അ​ത്‌​ല​റ്റു​ക​ൾ മാ​റ്റു​ര​ക്കും. കു​തി​ര​സ​വാ​രി, ബീ​ച്ച് സോ​ക്ക​ർ, ബീ​ച്ച് വോ​ളി​ബാ​ൾ, സെ​യി​ലി​ങ്, എ​യ​ർ സ്‌​പോ​ർ​ട്‌​സ് (പാ​രാ​ഗ്ലൈ​ഡി​ങ്), അ​ത്‌​ല​റ്റി​ക്‌​സ് എ​ന്നി​വ​യാ​ണ് കു​വൈ​ത്ത് പ​​ങ്കെ​ടു​ക്കു​ന്ന പ്ര​ധാ​ന ഇ​ന​ങ്ങ​ളെ​ന്ന് കു​വൈ​ത്ത് പ്ര​തി​നി​ധി സം​ഘം ത​ല​വ​ൻ മു​ഹ​മ്മ​ദ് അ​ൽ ഖ​ൽ​ഫാ​ൻ പ​റ​ഞ്ഞു.

കാ​യി​ക പ്ര​വ​ർ​ത്ത​ന​ങ്ങ​ളും ടൂ​ർ​ണ​മെ​ന്റു​ക​ളും ഗ​ൾ​ഫ് യു​വാ​ക്ക​ൾ​ക്കി​ട​യി​ൽ കൂ​ടു​ത​ൽ ഐ​ക്യ​വും കാ​യി​ക സം​യോ​ജ​ന​വും വ​ള​ർ​ത്തി​യെ​ടു​ക്കും. ഗെ​യിം​സി​ൽ അ​ത്‌​ല​റ്റു​ക​ളു​ടെ പ​ങ്കാ​ളി​ത്തം ഇ​ത് തെ​ളി​യി​ക്കു​ന്നു. ജി.​സി.​സി രാ​ജ്യ​ങ്ങ​ൾ​ക്കി​ട​യി​ൽ സം​യു​ക്ത കാ​യി​ക സ​ഹ​ക​ര​ണം വ​ർ​ധി​പ്പി​ക്കാ​നു​ള്ള താ​ൽ​പ​ര്യ​ത്തി​ൽ നി​ന്നാ​ണ് കു​വൈ​ത്തി​ന്റെ പ​ങ്കാ​ളി​ത്ത​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഗെ​യിം​സി​ന് ആ​തി​ഥേ​യ​ത്വം വ​ഹി​ക്കു​ന്ന ഒ​മാ​ൻ ഒ​ളി​മ്പി​ക് ക​മ്മി​റ്റി​യെ മു​ഹ​മ്മ​ദ് അ​ൽ ഖ​ൽ​ഫാ​ൻ പ്ര​ശം​സി​ച്ചു.

ഏ​പ്രി​ൽ അ​ഞ്ചു മു​ത​ൽ 11 വ​രെ ന​ട​ക്കു​ന്ന ‘മ​സ്‌​ക​ത്ത്-2025’ ൽ ​ജി.​സി.​സി​യി​ലെ ബ​ഹ്‌​റൈ​ൻ, കു​വൈ​ത്ത്, ഖ​ത്ത​ർ, സൗ​ദി അ​റേ​ബ്യ, യു.​എ.​ഇ, ഒ​മാ​ൻ എ​ന്നീ ആ​റ് രാ​ജ്യ​ങ്ങ​ൾ പ​ങ്കെ​ടു​ക്കും. ബീ​ച്ച് ഫു​ട്ബാ​ൾ, ബീ​ച്ച് വോ​ളി​ബാ​ൾ, ബീ​ച്ച് ഹാ​ൻ​ഡ്ബാ​ൾ, ഓ​പ്പ​ൺ വാ​ട്ട​ർ നീ​ന്ത​ൽ, സെ​യി​ലി​ങ്, ടെ​ന്റ് പെ​ഗ്ഗി​ങ്, ബീ​ച്ച് അ​ത്‌​ല​റ്റി​ക്സ്, പാ​രാ​ഗ്ലൈ​ഡി​ങ് എ​ന്നി​ങ്ങ​നെ എ​ട്ട് കാ​യി​ക ഇ​ന​ങ്ങ​ളി​ലാ​ണ് മ​ത്സ​രം ന​ട​ക്കു​ന്ന​ത്