കുവൈത്തിൽ വിശ്വാസികൾക്ക്​ ഏറെനാളിന്​ ശേഷം ജുമുഅയുടെ നിർവൃതി

കുവൈത്ത്​ സിറ്റി: നാല്​ മാസത്തിന്​ ശേഷം കുവൈത്തിൽ ജുമുഅ നമസ്​കാരം പുനരാരംഭിച്ചത്​ വിശ്വാസികളിൽ നിർവൃതിയുണ്ടാക്കി. അതേസമയം, വിദേശികൾ തിങ്ങിപ്പാർക്കുന്ന മിക്കവാറും ഭാഗങ്ങളിൽ ജുമുഅ ഇല്ലാതിരുന്നത്​ വിശ്വാസികളായ പ്രവാസികളിൽ നിരാശയുണ്ടാക്കി. ജുമുഅ പുനരാരംഭിക്കുന്നുവെന്ന സന്തോഷത്തിൽ മുസല്ലയുമായി നമസ്​കാരത്തിനെത്തിയ നിരവധി പേർക്ക്​ നിരാശരായി മടങ്ങേണ്ടി വന്നു. വിദേശ ഭാഷകളിൽ ഖുതുബ നടക്കുന്ന പള്ളികളിൽ ജുമുഅക്ക്​ അനുമതി നൽകിയിരുന്നില്ല. സാൽമിയ, ഹവല്ലി, കുവൈത്ത്​ സിറ്റി, ശർഖ്​, മഹബൂല എന്നിവിടങ്ങളിലെ ഒറ്റ പള്ളിയിലും ജുമുഅ ഉണ്ടായില്ല. 

ഫർവാനിയയിലെ രണ്ട്​ പള്ളികൾ കഴിഞ്ഞദിവസം മന്ത്രാലയം പുറത്തുവിട്ട പട്ടികയിൽ ഉണ്ടായിരുന്നെങ്കിലും പിന്നീട്​ ഒഴിവാക്കിയതിനാൽ ജുമുഅ നടന്നില്ല. സ്വദേശി താമസ മേഖലയിലെ പള്ളികളിൽ പുറത്തുനിന്നുള്ള വിദേശികളും എത്തി. കുവൈത്തിലെ ആയിരത്തോളം മസ്​ജിദുകളിൽ 155 എണ്ണം മാത്രമാണ്​ ഒൗഖാഫി​​െൻറ പട്ടികയിൽ ഉൾപ്പെട്ടത്​. കോവിഡ്​ വ്യാപനം കുറയുന്നതിനനുസരിച്ച്​ വരുന്ന ആഴ്​ചകളിൽ കൂടുതൽ പള്ളികളിൽ ജുമുഅ ഉണ്ടാവുമെന്ന പ്രതീക്ഷയിലാണ്​ വിശ്വാസികൾ. 

കർശന നിയന്ത്രണങ്ങളാണ്​ ജുമുഅ പുനരാരംഭിക്കുന്നതിന്​ അധികൃതർ ഏർപ്പെടുത്തിയിരുന്നത്​. 15നും 60നും ഇടക്ക്​ പ്രായമുള്ളവർക്ക്​ മാത്രമായിരുന്നു പ്രവേശനം. പകർച്ചരോഗങ്ങൾ ഉള്ളവർക്കും 37.5 ​ഡിഗ്രിയിൽ കൂടുതൽ ഉൗഷ്​മാവ്​ ഉള്ളവർക്കും പ്രവേശനമുണ്ടാവില്ലെന്ന്​ അറിയിച്ചിരുന്നു. ഒൗഖാഫ്​ നിർദേശം അനുസരിച്ച്​ ഖുതുബ പത്ത്​ മിനിറ്റിൽ തീർത്തു. നമസ്​കാരത്തിൽ ചെറിയ ഖുർആൻ സൂക്​തങ്ങൾ പാരായണം ചെയ്​ത്​ പെ​െട്ടന്ന്​ തീർത്ത്​ ആളുകളെ തിരിച്ചയച്ചു. നേരത്തെ മസ്​ജിദുകളിൽ അധികൃതർ അണുനശീകരണം പൂർത്തിയാക്കുകയും സാനിറ്റൈസറും ടിഷ്യൂ പേപ്പറും അടക്കം സംവിധാനങ്ങൾ ഉറപ്പുവരുത്തുകയും ചെയ്​തു. പ്രവേശന കവാടങ്ങളിൽ തിക്കും തിരക്കും ഉണ്ടായതായി എവിടെനിന്നും റിപ്പോർട്ടില്ല.

കോവിഡ്​ പ്രതിരോധത്തിനുള്ള ആരോഗ്യ സുരക്ഷാ മാനദണ്ഡങ്ങൾ പാലിക്കാൻ ജനങ്ങൾ സ്വയം നിയന്ത്രണങ്ങൾ പുലർത്തുകയും പരസ്​പരം സഹകരിക്കുകയും വേണമെന്ന മന്ത്രാലയത്തി​​െൻറ അഭ്യർഥന വിശ്വാസികൾ ഉൾക്കൊണ്ടു. കോവിഡ് പ്രതിരോധ നടപടികളുടെ ഭാഗമായി മാർച്ച് 13 മുതലാണ് ജുമുഅ നിർത്തിയത്​. നിയന്ത്രണങ്ങളിൽ ഇളവി​​െൻറ ഭാഗമായി ജൂൺ പത്തു മുതൽ മാതൃകാ കേന്ദ്രങ്ങളിലെ പള്ളികളിൽ അഞ്ചു നേരത്തെ നിർബന്ധ നമസ്​കാരങ്ങൾക്ക്​ മാത്രമായി തുറന്നുകൊടുത്തിരുന്നു.
 എന്നാൽ, ജുമുഅ നമസ്കാരം അനുവദിച്ചില്ല. രാജ്യത്തെ ഏറ്റവും വലിയ പള്ളിയായ മസ്​ജിദുൽ കബീറിൽ മാത്രം ജൂൺ 12 മുതൽ പൊതുജനങ്ങൾക്ക്​ പ്രവേശനമില്ലാതെ പള്ളി ജീവനക്കാരെ മാത്രം പ​െങ്കടുപ്പിച്ച്​ കഴിഞ്ഞ ആഴ്​ചകളിൽ ജുമുഅ നടന്നു.