മയക്കുമരുന്ന്​ വിതരണക്കാരനെ പൊലീസ്​ പിടികൂടി

കുവൈത്ത്​ സിറ്റി: ഒരുലക്ഷം മയക്കുമരുന്ന്​ ഗുളികകളുമായി വിതരണക്കാരനെ പൊലീസ്​ അറസ്​റ്റ്​ ചെയ്​തു.
 പ്രത്യേക സംഘം രൂപവത്​കരിച്ച്​ നടത്തിയ നിരീക്ഷണത്തിലാണ്​ ഇയാൾ വലയിലായത്​. പബ്ലിക്​ പ്രോസിക്യൂഷനിൽനിന്ന്​ പ്ര​ത്യേകാനുമതി വാങ്ങി ഇയാളുടെ താമസസ്ഥലത്ത്​ റെയ്​ഡ്​ നടത്തുകയായിരുന്നു. നേരത്തെ ഉപഭോക്​താവ്​ എന്ന നിലയിൽ സമീപിച്ച്​ വിവരങ്ങൾ ശേഖരിച്ചിരുന്നു.

തോക്ക്​ ഉപയോഗിച്ച്​ ഉദ്യോഗസ്ഥരുടെ നേരെ തിരിഞ്ഞെങ്കിലും നിമിഷനേരം കൊണ്ട്​ അധികൃതർ ഇയാളെ കീഴടക്കി. ലൈസൻസില്ലാത്ത മെഷീൻ ഗണ്ണും ഇയാളിൽനിന്ന്​ കണ്ടെടുത്തു. പ്രതിയെ നിയമനടപടികൾക്കായി ബന്ധപ്പെട്ട വകുപ്പിന്​ കൈമാറി.