പൊതുമാപ്പ്​ രജിസ്​ട്രേഷൻ ഇന്ന്​ അവസാനിക്കും; ഇനിയും ആളുകളേറെ

കുവൈത്ത്​ സിറ്റി: പൊതുമാപ്പ്​ രജിസ്​ട്രേഷന്​ നിശ്ചയിച്ച കാലപരിധി വ്യാഴാഴ്​ച അവസാനിക്കും. വിവിധ രാജ്യങ്ങളുട െ എംബസികൾ പൊതുമാപ്പ്​ നീട്ടണമെന്ന്​ ആവശ്യപ്പെട്ടിട്ടുണ്ട്​. രജിസ്​ട്രേഷൻ കേന്ദ്രങ്ങളിൽ അവസാന ദിവസങ്ങളിൽ വ ൻ തിരക്ക്​ അനുഭവപ്പെടുന്നു. ഒരുലക്ഷത്തിലേറെ അനധികൃത താമസക്കാരാണ്​ കുവൈത്തിലുള്ളത്​. ഇതിൽ 24,000ത്തോളം പേർ മാത്രമേ ഇതുവരെ പൊതുമാപ്പിന്​ രജിസ്​റ്റർ ചെയ്​തിട്ടുള്ളൂ.
രാജ്യത്തി​​െൻറ വിവിധ ഭാഗങ്ങളിൽനിന്ന്​ എത്തി രജിസ്​റ്റർ ചെയ്യാൻ കഴിയാതെ നിരവധി പേർ പുറത്ത്​ റോഡിലാണ്​ കഴിയുന്നത്​. കർഫ്യൂവി​​െൻറ പേരിൽ പൊലീസ്​ ഇവരെ പിടികൂടുന്നില്ല എന്ന്​ മാത്രമല്ല. സന്നദ്ധ പ്രവർത്തകർ ഭക്ഷണവും എത്തിച്ചുനൽകുന്നുണ്ട്​.