ഹൃദയാഘാതം: ആലപ്പുഴ സ്വദേശി കുവൈത്തിൽ മരിച്ചു

കുവൈത്ത്​ സിറ്റി: ആലപ്പുഴ കായംകുളം സ്വദേശി കുവൈത്തിൽ ഹൃദയാഘാതം മൂലം മരിച്ചു. കായംകുളം എരുവ സ്വദേശി സണ്ണി യോഹന ്നാൻ (55) ആണ്​ തിങ്കളാഴ്​ച രാവിലെ സാൽമിയയിലെ താമസസ്ഥലത്ത്‌ മരിച്ചത്​. താമസസ്ഥലത്തെ ശുചിമുറിയിലാണ്​ മരിച്ചനിലയിൽ മൃതദേഹം കണ്ടെത്തിയത്‌. ഇദ്ദേഹത്തി​​െൻറ ഭാര്യ കഴിഞ്ഞമാസം അർബുദബാധിതയായി മരിച്ചിരുന്നു.

വിമാന സർവിസ്‌ വിലക്കുള്ളതിനാൽ മൃതദേഹം കാണാൻ നാട്ടിലേക്ക്‌ പോകാൻ ഇദ്ദേഹത്തിന്​ സാധിച്ചിരുന്നില്ല. അതിനാൽ കടുത്ത മാനസിക സമ്മർദത്തിലായിരുന്നുവെന്ന് സുഹൃത്തുക്കൾ പറഞ്ഞു. ഒരു മകളുണ്ട്‌. ഇവർ നാട്ടിലാണ്​. അൽപം താമസിച്ചാലും മൃതദേഹം നാട്ടിൽ എത്തിക്കണമെന്ന് ബന്ധുക്കൾ ആവശ്യപ്പെട്ടു. ഇതനുസരിച്ച്​ മൃതദേഹം നാട്ടിലെത്തിക്കാനുള്ള പ്രവർത്തനങ്ങൾക്ക്​ കെ.കെ.എം.എ മാഗ്​നെറ്റ്​ ടീം നേതൃത്വം നൽകുന്നു.