കുവൈത്തിൽ ഇന്ത്യക്കാരൻ ഉൾപ്പെടെ രണ്ടുമരണം

കുവൈത്ത്​ സിറ്റി: കുവൈത്തിൽ ഇന്ത്യക്കാരൻ ഉൾപ്പെടെ രണ്ടുപേർ കോവിഡ്​ ബാധിച്ച്​ മരിച്ചു. 53 വയസ്സുള്ള കുവൈത്തിയ ും 54കാരനായ ഇന്ത്യക്കാരനുമാണ്​ മരിച്ചത്​. ഇതോടെ മരണം 22 ആയി. കുവൈത്തിൽ തിങ്കളാഴ്​ച സ്ഥിരീകരിച്ച കോവിഡ്​ കേസുക ളിൽ 31 എണ്ണം വിദേശത്തുനിന്ന്​ വന്നവർ. 177 പേർക്ക്​ നേര​േത്ത സ്ഥിരീകരിച്ചവരുമായുള്ള സമ്പർക്കത്തിലൂടെയാണ്​ വൈറസ്​ ബാധിച്ചത്​. അഞ്ചുപേർക്ക്​ എങ്ങനെയാണ്​ വൈറസ്​ ബാധിച്ചതെന്ന്​ കണ്ടെത്തിയിട്ടില്ല.

ബ്രിട്ടനിൽനിന്ന്​ വന്ന 24 കുവൈത്തികൾ, ജർമനിയിൽനിന്ന്​ വന്ന നാല്​ കുവൈത്തികൾ, ഖത്തറിൽനിന്ന്​ വന്ന കുവൈത്തി, അമേരിക്കയിൽനിന്ന്​ വന്ന കുവൈത്തി, സൗദിയിൽനിന്ന്​ വന്ന കുവൈത്തി എന്നിവർക്ക്​ കോവിഡ്​ സ്ഥിരീകരിച്ചു. 61 ഇന്ത്യക്കാർ, 38 കുവൈത്തികൾ, 13 ബംഗ്ലാദേശികൾ, 26 ഇൗജിപ്​തുകാർ, അഞ്ച്​ പാകിസ്​താനികൾ, സിറിയ, ഇറാൻ, ശ്രീലങ്ക എന്നിവിടങ്ങളിൽനിന്നുള്ള നാലുപേർ വീതം, ജോർഡൻ, ലബനാൻ പൗരന്മാരായ മൂന്നുപേർ വീതം, രണ്ട്​ ബിദൂനി, രണ്ട്​ യമൻ പൗരൻ, രണ്ട്​ നേപ്പാൾ പൗരൻ, സൗദി, കാനഡ, അർമേനിയ, തുർക്കി, നൈജീരിയ, ഇന്തോനേഷ്യ എന്നീ രാജ്യക്കാരായ ഒാരോരുത്തർ എന്നിവർക്ക്​ നേരത്തെ സ്ഥിരീകരിച്ചവരുമായുള്ള സമ്പർക്കത്തിലൂടെയാണ്​ വൈറസ്​ ബാധിച്ചത്​.

അഞ്ച്​ കുവൈത്തികൾക്ക്​ ഏതുവഴിയാണ്​ കോവിഡ്​ ബാധിച്ചതെന്ന്​ കണ്ടെത്തിയിട്ടില്ല. 61 ഇന്ത്യക്കാർ ഉൾപ്പെടെ 213 പേർക്കാണ്​ പുതുതായി​ കോവിഡ്​ സ്ഥിരീകരിച്ചത്​. അതേസമയം, 206 പേർ രോഗമുക്​തി നേടി. പുതിയ വൈറസ്​ ബാധിതരോടൊപ്പംതന്നെ രോഗമുക്​തരുടെ എണ്ണവും കൂടുന്നത്​ ആശ്വാസമാണ്​. കഴിഞ്ഞ നാല്​ ദിവസത്തിനിടെ 514 പേർ ​രോഗമുക്​തരായി. 3288 പേർക്കാണ്​ രാജ്യത്ത്​ ഇതുവരെ കോവിഡ്​ സ്ഥിരീകരിച്ചത്​. 1012 പേർ രോഗമുക്​തരായി. ബാക്കി 2254 പേരാണ്​ ചികിത്സയിലുള്ളത്​. 64 പേർ തീവ്രപരിചരണ വിഭാഗത്തിലാണ്​. ഇതിൽ 30 പേരുടെ നില ഗുരുതരമാണ്​.