കോവിഡ്​ റിപ്പോർട്ട്​: ഫൈഹ സഹകരണ സംഘം പൂട്ടി

കുവൈത്ത്​ സിറ്റി: ആശങ്ക പടർത്തി വിവിധ സ്ഥലങ്ങളിലെ സഹകരണ സംഘങ്ങളിൽ കോവിഡ്​ റിപ്പോർട്ട്​ ചെയ്യുന്നു. ഫൈഹയില െ ജംഇയ്യ കോവിഡ്​ റിപ്പോർട്ട്​ ചെയ്​തതിനെ തുടർന്ന്​ പൂട്ടി. കഴിഞ്ഞ ദിവസം ഷാമിയയിലെ സഹകരണ സംഘത്തിൽ സന്നദ്ധ സേ വനം അനുഷ്​ഠിച്ചയാൾക്ക്​ കോവിഡ്​ സ്ഥിരീകരിച്ചു.രാജ്യത്തെ വിവിധ സഹകരണ സംഘങ്ങളിൽ പത്തിലേറെ ജീവനക്കാർക്ക്​ ഇതിനകം കോവിഡ്​ ബാധിച്ചു. ഇൗ കേന്ദ്രങ്ങളിൽ അധികൃതർ അണുനശീകരണം നടത്തി​.

വ്യാപാര സ്ഥാപനങ്ങൾക്ക്​ നിയന്ത്രണം ഏർപ്പെടുത്തിയശേഷം സഹകരണ സംഘങ്ങളെ ജനങ്ങൾ കൂടുതലായി ആശ്രയിക്കുന്നുണ്ട്​. മാസ്​കും കൈയുറയും ധരിപ്പിച്ച്​ സാമൂഹിക അകലം പാലിക്കുന്ന വിധത്തിൽ നിയന്ത്രിച്ച്​ മാത്രമേ ആളുകളെ ജംഇയ്യകളിലേക്ക്​ കടത്തിവിടുന്നുള്ളൂ. പ്രവേശന കവാടങ്ങളിൽ വാണിജ്യ മന്ത്രാലയം ഉദ്യോഗസ്ഥരുണ്ട്​. എന്നിട്ടും ഏതാനും ജീവനക്കാർക്ക്​ കോവിഡ്​ സ്ഥിരീകരിച്ചത്​ അധികൃതരെ അമ്പരപ്പിച്ചു​.

ഇഷ്​ബിലിയ സഹകരണ സംഘത്തിൽ മൂന്നു​ ജീവനക്കാർക്ക്​ വൈറസ്​ ബാധിച്ചു. റൗദ, ഹവല്ലി സഹകരണ സംഘങ്ങളിലെ ഒാരോ ജീവനക്കാർക്കും കൊറോണ ബാധിച്ചു. കഴിഞ്ഞ ആഴ്​ച സുർറ, അർദിയ, ദസ്​മ സഹകരണ സംഘങ്ങളിലെ പഴം, പച്ചക്കറി സെക്​ഷനിൽ ജീവനക്കാർക്ക്​ കോവിഡ്​ സ്ഥിരീകരിച്ചിരുന്നു. എന്നാൽ, എല്ലാ ജംഇയ്യകളി​ലും ആരോഗ്യ മന്ത്രാലയത്തി​​െൻറ മേൽനോട്ടമുണ്ടെന്നും ജീവനക്കാർക്ക്​ കോവിഡ്​ സ്ഥിരീകരിച്ച എല്ലാ സഹകരണ സംഘങ്ങളും പൂർണമായി അണുവിമുക്​തമാക്കിയതായും അധികൃതർ വ്യക്​തമാക്കി.