പൊതുമാപ്പ്​: രജിസ്​ട്രേഷൻ കേന്ദ്രങ്ങളിൽ വൻ തിരക്ക്​

കുവൈത്ത്​ സിറ്റി: പൊതുമാപ്പ്​ പ്രയോജനപ്പെടുത്തുന്നവരുടെ രജിസ്​ട്രേഷൻ കേന്ദ്രങ്ങളിൽ ഞായറാഴ്​ച വൻ തിരക്ക് ​. ഏപ്രിൽ 26 മുതൽ 30 വരെ എല്ലാ രാജ്യക്കാർക്കും എന്ന്​ അറിയിപ്പുണ്ടായതിനാൽ വിവിധ രാജ്യക്കാർ കൂട്ടമായെത്തി. നേരത്ത േ ഫിലിപ്പീൻസ്​, ഇന്ത്യ, ഇൗജിപ്​ത്​, ബംഗ്ലാദേശ്​ എന്നീ രാജ്യക്കാർക്ക്​ ഏപ്രിൽ ഒന്നുമുതൽ അഞ്ചുദിവസം വീതം അനുവദി ച്ചിരുന്നു. ഇൗ രാജ്യങ്ങളിലെ അന്ന്​ രജിസ്​റ്റർ ചെയ്യാത്തവർക്കും ഇൗ ഘട്ടത്തിൽ അവസരമുണ്ട്​. പ്രധാനമായും ഇത്തരക്കാരാണ്​ ഞായറാഴ്​ചത്തെ വൻ തിരക്കിന്​ കാരണം.

രണ്ടായിരത്തോളം പേർ രജിസ്​​ട്രേഷൻ സാധ്യമാവാതെ മടങ്ങിയതായാണ്​ വിവരം. മഹബൂലയിലെ ലോക്​ഡൗൺ പ്രദേശത്തുനിന്ന്​ വന്നവരും രജിസ്​റ്റർ ചെയ്യാൻ കഴിയാത്തവരിൽ ഉണ്ട്​. ഇവർക്ക്​ തിരിച്ച്​ താമസസ്ഥലത്തേക്ക്​ പോവാൻ കഴിയാത്ത സ്ഥിതിയുണ്ട്​. അടുത്തദിവസം രജിസ്​ട്രേഷൻ നടത്താമെന്ന പ്രതീക്ഷയിൽ ചിലർ കേന്ദ്രങ്ങൾക്ക്​ പുറത്ത്​ റോഡിൽ താമസിച്ചു. രജിസ്​റ്റർ ചെയ്​തവർ കബ്​ദിൽ ആഭ്യന്തര മന്ത്രാലയം സജ്ജീകരിച്ച ക്യാമ്പിലാണ്​ കഴിയുന്നത്​.

വിമാന സർവിസ്​ ആരംഭിക്കുന്നതുവരെ കുവൈത്ത്​ ആഭ്യന്തര മന്ത്രാലയമാണ്​ താമസ സൗകര്യമൊരുക്കുന്നത്​. പുരുഷന്മാർക്ക്​ ഫർവാനിയ ബ്ലോക്ക് 1 സ്ട്രീറ്റ് 76ലെ ഗേൾസ് സ്‌കൂൾ, ജലീബ്​ അൽ ശുയൂഖ്​ ബ്ലോക്ക്​ നാല്​ സ്​ട്രീറ്റ്​ 250ലെ നഇൗം ബിൻ മസൂദ്​ ബോയ്​സ്​ സ്​കൂൾ എന്നിവിടങ്ങളിലും സ്​ത്രീകൾക്ക്​​ ഫർവാനിയ ബ്ലോക്ക് 1, സ്ട്രീറ്റ് 122ലെ അൽ മുത്തന്ന ബോയ്സ് സ്‌കൂൾ, ജലീബ്​ അൽ ശുയൂഖ്​ ബ്ലോക്ക്​ നാല്​ സ്​ട്രീറ്റ്​ 200ലെ റുഫൈദ അൽ അസ്​ലമിയ ഗേൾസ്​ സ്​കൂൾ എന്നീ നാല്​ സ​െൻററുകളിലാണ്​ രജിസ്​ട്രേഷൻ. രാവിലെ എട്ടുമുതൽ ഉച്ചക്ക് രണ്ടു വരെയാണ് പ്രവർത്തന സമയം.