ആരോഗ്യ മാർഗനിർദേശങ്ങൾ കർശനമായി പാലിക്കണം –കുവൈത്ത്​ അമീർ

കുവൈത്ത്​ സിറ്റി: കോവിഡ്​ പ്രതിരോധത്തിനുള്ള ആരോഗ്യ മന്ത്രാലയത്തി​​െൻറ മാർഗനിർദേശങ്ങൾ കർശനമായി പാലിക്കണ മെന്ന്​ കുവൈത്ത്​ അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹ്​ രാജ്യനിവാസികളോട്​ ആവശ്യപ്പെട്ടു. വിദേശരാ ജ്യങ്ങളിൽ കുടുങ്ങിക്കിടക്കുന്ന കുവൈത്തി​കളെ തിരിച്ചെത്തിക്കുന്ന മെഗാ ദൗത്യം ആരംഭിച്ചതി​​െൻറ സന്തോഷം പ്രക ടിപ്പിക്കാൻ ടെലിവിഷനിലൂടെ രാജ്യത്തെ അഭിസംബോധന ചെയ്യുകയായിരുന്നു അമീർ.

തിരിച്ചുവന്ന കുവൈത്തികളെയും അവരുടെ കുടുംബത്തെയും അമീർ അഭിനന്ദിച്ചു. താൻ ഏറെ സന്തോഷവാനാണെന്നും സ്വന്തം രാജ്യത്തെത്തിയ സ്വദേശികൾ ആരോഗ്യ മാർഗനിർദേശങ്ങൾ പാലിച്ച്​ നിരീക്ഷണത്തിലിരിക്കണമെന്നും അദ്ദേഹം ആവശ്യപ്പെട്ടു. തിരിച്ചെത്തിക്കൽ ദൗത്യം വിജയകരമായി പൂർത്തിയാക്കാൻ കഴിയുമെന്ന്​ പ്രതീക്ഷിക്കുന്നു. ഇപ്പോൾ കുവൈത്തിലുള്ളവരും ഇനി തിരിച്ചുവരുന്നവരും ജാഗ്രത പാലിക്കണം.

വൈറസ്​ വ്യാപനം തടയാൻ കുവൈത്ത്​ സർക്കാർ കാര്യക്ഷമമായി ഇടപെടുന്നുണ്ട്​. ലോകാരോഗ്യ സംഘടനയുടെ പ്രശംസ ഇക്കാര്യത്തിൽ കുവൈത്തിന്​ ലഭിച്ചു. മഹാമാരിയെ പിടിച്ചുകെട്ടാൻ സർക്കാറിന്​ ജനങ്ങളുടെ പിന്തുണ വേണം. അത്യാഹിതങ്ങൾ പരമാവധി കുറക്കാൻ കഴിയണം. കോവിഡ്​ പ്രതിരോധത്തിനായി ​കർമനിരതരായ സർക്കാറിനെയും ജനങ്ങളെയും സർക്കാർ, സ്വകാര്യ സ്ഥാപനങ്ങളെയും അഭിനന്ദിക്കുന്നതായും അമീർ പറഞ്ഞു.