ബിഷപ്​ കാമിലോ ബാലിൻ അന്തരിച്ചു

2011 മേയ് 31ന്​ വടക്കന്‍ അറേബ്യയുടെ പ്രഥമ അപ്പോസ്തോലിക വികാരിയായി നിയമിതനായി
കുവൈത്ത്​ സിറ്റി: അപ്പോസ്തലിക് വികാരിയറ്റ് നോര്‍ത്തേണ്‍ അറേബ്യയുടെ തലവന്‍ ബിഷപ്​ കാമിലോ ബാലിന്‍ (76) അന്തരിച്ചു. ഞായറാഴ്​ച രാത്രി 10 മണിയോടെ റോമിലെ ജിമിലി ആശുപത്രിയിലായിരുന്നു അന്ത്യം. നാളുകളായി ശ്വാസകോശ അര്‍ബുദത്തിന് ചികിത്സയിലായിരുന്നു. 1944 ജൂണ്‍ 24ന്​ പാദുവായിലെ ഫൊൻറാനിവയിലായിരിന്നു ബിഷപ് കാമിലോയുടെ ജനനം. 1969ല്‍ കംബോനി മിഷനറി സഭാംഗമായി.

2005 ജൂലൈയില്‍ അന്നത്തെ മാര്‍പാപ്പ ബെനഡിക്ട് പതിനാറാമന്‍ അദ്ദേഹത്തെ കുവൈത്ത്​ അ േപ്പാസ്തോലിക് വികാരിയായി ഉയര്‍ത്തി. 2005 ആഗസ്​റ്റ്​ രണ്ടിന് അദ്ദേഹം ദൗത്യമേറ്റെടുത്തു. 2011 മേയ് 31ന്​ വടക്കന്‍ അറേബ്യയുടെ പ്രഥമ അപ്പോസ്തോലിക വികാരിയായി നിയമിതനായി. ഇറ്റലി പൗരത്വത്തോടൊപ്പം ബഹ്​റൈൻ പൗരത്വവുമുണ്ടായിരുന്നു. നന്നായി അറബി ഭാഷ കൈകാര്യം ചെയ്തിരുന്നു. ഗൾഫ്​ രാജ്യങ്ങളിലെ സഭാ പ്രവർത്തനങ്ങളിൽ അദ്ദേഹത്തി​​െൻറ മാർഗദർശനവും നേതൃപാടവവും കരുത്തായിരുന്നതായി സഭ ഭാരവാഹികൾ അനുസ്​മരിച്ചു.