പൊതുമാപ്പ്​ കഴിഞ്ഞാൽ ശക്തമായ പരിശോധന –ആഭ്യന്തര മന്ത്രി

കുവൈത്ത്​ സിറ്റി: രാജ്യത്ത്​ നിയമം ലംഘിച്ച്​ താമസിക്കുന്നവർ പൊതുമാപ്പ്​ പ്രയോജനപ്പെടുത്തണമെന്നും പൊതുമ ാപ്പ്​ കാലാവധി കഴിഞ്ഞാൽ ശക്തമായ പരിശോധന നടത്തുമെന്നും ആഭ്യന്തര മന്ത്രി അനസ്​ അൽ സാലിഹ്​ വ്യക്തമാക്കി. രജിസ് ​ട്രേഷൻ സ​െൻറർ സന്ദർശിച്ച ശേഷം മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം. മുഴുവൻ അനധികൃത താമസക്ക ാരെയും പിടികൂടി നാടുകടത്തും.

പൊതുമാപ്പ്​ കാലത്ത്​ പോവുന്നവർക്ക്​ പുതിയ വിസയിൽ തിരിച്ചുവരാൻ അനുവാദമുണ്ടാവുമെങ്കിലും അതുകഴിഞ്ഞുള്ള പരിശോധനയിൽ പിടിക്കപ്പെടുന്നവരെ തിരിച്ചുവരാൻ കഴിയാത്തവിധം വിരലടയാളം എടുത്താണ്​ നാടുകടത്തുക. രാജ്യത്തി​​െൻറ മുക്കുമൂലകളിൽ പരിശോധനയുണ്ടാവുമെന്നും ആരെയും പിടികൂടാതിരി​ക്കില്ലെന്നും മന്ത്രി മുന്നറിയിപ്പ്​ നൽകി. കുവൈത്ത്​ അധികൃതർ യാത്രാചെലവ്​ വഹിച്ചാണ്​ ഇപ്പോൾ അനധികൃത താമസക്കാരെ സ്വന്തം നാട്ടിൽ അയക്കുന്നത്​.

നടപടിക്രമങ്ങൾ പൂർത്തിയാക്കിയതുമുതൽ യാത്രാദിവസം വരെ താമസവും ഭക്ഷണവും അധികൃതർ നൽകുന്നുണ്ട്​. ഇവരെ താമസിപ്പിക്കാൻ 11 സ​െൻററുകളാണ്​ സജ്ജീകരിച്ചത്​. ലഗേജും സിവിൽ ​െഎഡിയും പാസ്​പോർട്ടുമായാണ്​ ക്യാമ്പിൽ എത്തേണ്ടത്​. ആഭ്യന്തര മന്ത്രി അനസ് അൽ സാലിഹ്‌ രജിസ്ട്രേഷൻ ക്യാമ്പിലെ​ സജ്ജീകരണങ്ങൾ വിലയിരുത്തി. നേരത്തേ താമസരേഖകൾ ഇല്ലാത്തവരുടെ സ്‌പോൺസർമാരുടെ പട്ടിക തയാറാക്കാൻ ആവശ്യപ്പെട്ട ആഭ്യന്തര മന്ത്രി വിസകച്ചവടം നടന്നിട്ടുണ്ടോ എന്ന് അന്വേഷിക്കുമെന്നും വ്യക്തമാക്കിയിരുന്നു.