നാടകപ്രവർത്തകൻ സുലൈമാന്‍ അല്‍ യാസീന്‍ നിര്യാതനായി

കുവൈത്ത് സിറ്റി: കുവൈത്തിലെ പ്രശസ്ത നാടക പ്രവർത്തകനായ സുലൈമാന്‍ അല്‍ യാസീന്‍ ഞായറാഴ്ച നിര്യാതനായി. കുറച്ചുക ാലമായി ആരോഗ്യപ്രശ്‌നങ്ങള്‍ കാരണം അമീരി ആശുപത്രിയില്‍ തീവ്രപരിചരണ വിഭാഗത്തിൽ ചികിത്സയിലായിരുന്നു. കുവൈത്ത് പ്രസ്ഥാനത്തി​​െൻറ തുടക്കക്കാരില്‍ ഒരാളാണിദ്ദേഹം. 1949 ജനുവരി ഒന്നിനാണ് ജനിച്ചത്. നടന്‍, സംവിധായകന്‍, നിർമാതാവ്, തിരക്കഥാകൃത്ത്​ എന്നീ മേഖലകളില്‍ നിരവധി സംഭാവനകള്‍ അർപ്പിച്ചിട്ടുണ്ട്​.

സമാ ആലിയ, സബഉ അബ്​വാബ്, ബൈത്ത് ബുയൂത്ത്, ഷഅഫ്, ദാര്‍, അവ്വലു സ്വബാഹ്, ജാഹിള്, ദ എൻഡ്​, ഹര്‍ബ് നഅല്‍, ഉമര്‍ ബിന്‍ അബ്​ദുല്‍ അസീസ് തുടങ്ങിയ നൂറോളം നാടകങ്ങളില്‍ അദ്ദേഹം അഭിനയിച്ചിരുന്നു. ബൈന അസ്‌റൈന്‍, ദര്‍വാസ, ബൂമാ, ബി ഖദിരി മാ തഹ്​മിലു നുഫൂസ്, അബനാഉ ഹദ്, ഡോവിയേഷന്‍, ഒദന്‍ ഉമ്മി ഖാലത്ത് ലീ, അല്‍ ഇന്‍ഹിദാര്‍, അബൂ സ്വാലിഹ് യുരീദു ഹല്ല തുടങ്ങിയ നാടകങ്ങൾ അദ്ദേഹത്തി​​െൻറ രചനയാണ്​. 1988ൽ ഇറങ്ങിയ ഖലബും മിന്‍ സുജാജ് എന്ന നാടകത്തി​​െൻറ സഹസംവിധായകനായും 1984ല്‍ ഇറങ്ങിയ വഹ്‌റും ലാ യൂഈദുക് എന്ന നാടകത്തി​​െൻറ സംവിധായകനായും പ്രവര്‍ത്തിച്ചു. നിരവധി നാടകങ്ങളുടെ നിർമാതാവുമായിരുന്നു.